من حضن هذا الجفاف وغفلة ايديني
احتاجلك تاخذيني من عذاباتي
ياكل كل القلوب اللي توديني
لــ اجمل صباح ٍ زرعته في حكاياتي
احتاجلك للضما للحلم لسنيني
لجروح زاهي مطرها في كتاباتي
ذكراك تمطر سحابتها وتغريني
اركض وارتّل تحتها لك نداءاتي
عن كل وجه وطريق وموطن انفيني
لــ عيونك اللي بها كل انتصاراتي
جيتك من الصدق تشرَق بي عناويني
واحس بالضيق بي متوسد جهاتي
اشرب سكوتي , واحسك في شراييني
تستمطر ف حظورك كل بهجاتي
وينك؟ وصاح السؤال ف داخلي ويني ؟
فتحت بابه وطالت بي مسافاتي
من قلت احبك وانا المطلق جناحيني
انطر تجيني من آخر آآآآخر ( الآتي )
مرنيّ بصمتك على صمتي وصحّيني
كم سالفة شوق بي نامت على شفاتي
طارت عصافير قلبي / لك تناديني
واغصان قلبك : بداياتي نهاياتي
طفل ٍ رسمتك على صفحة بساتيني :
طفله تسوق المطر لـ اجمل حكاياتي !
