دونات البمبلوني الايطاليّة
http://up.omaniaa.co/do.php?img=16709
العجينة :
كوب حليب دافي ( حرارته 110 فهرنهايت للي يحب يقيس ).
ملعقتين وسط خميرة و ملعقه سكر نحطهم فالحليب الدافي ونتركه على جنب خمس دقايق 💕
فالعجّانة نحط
4 اكواب طحين ( حطو 3 ونص وزيدوا النص الباقي حسب احتياجكم ).
ربع كوب سكر
فانيلًا ( حطيت تقريبًا ملعقه كبيرة )
بيضتين
نص اصبع زبدة بحرارة الغرفة
ونضيف عليه كوب الحليب والخميرة ونعجن تقريبًا 5 دقايق او لين تصير عجينة متماسكة قاسية شوي مو مثل الفطاير
على طول نفردها ونقطعها بالشكل الي تحبون
( مشكلة هذي العجينة ان بقايا العجين ماينفع تعجنونها وتسوون زيادة ماتجي زينه فحاولو تقطّعون قد ماتقدرون منها )
شيلو قطع الدونات في صينيه فيها ورق زبدة وغطوها واتركوها في مكان دافي ساعه تتخمر الين يتضاعف حجمها 💕
تقلى في زيت وسط و بس ثلاث الى اربع حبات كل دفعة عشان ما تقل حرارة الزيت وتتشربه الدونات
اتركوها على كل جنب لين تتحمر بعدين اقلبوها لاتقلّبونها كثير عشان تاخذ لون متساوي ..
تتقلب في سكر وهي حارة وتسوون حفره بالسكين وتحشى نوتيلا او كاسترد 😍❤
وبالعااافية 💕💕💕
