في دمعتي زحمة جروح وحكايات
في دمعتي( زحمة جروح) وحكايات
وفي صمتي المرتاب طفلة حنيني
تذرف لي الدمعة تقاسيم أهات
وأموّل أهاتي ب/سجّة ونيني
هذا المسافات ب/ كثير المسافات
تعبت( اكابر) لوعتي , واعذريني..!
ما عاد في دفتر تعابيري ابيات
مات الورق في غيبتك, [سامحيني! ]
جفّ الحبر , ذبْلت حروف المعاناة
تساقطت أغصان الاشواق فيني
ملّيت اداري لوعة الحزن( ب/ سكات)
وازريت اخفّي ضيقة ٍتعتريني
بيني وبين دروب فرْحي متاهات
والعيد يصرخ والصدى ردّ :-(ويني) ..!
أوقات اقول ( الحلم) لازال , واوقات ..
.. أحسْ حتّى الحلم عيّا يبيني ..!
وتاخذْني طيوف المواعيد[ سجّات]
واحسّهافي داخلي تحتويني ..!
واقول :- ( رآآآآح) , وتخنق الصوت عبرات
وأغصّ في قولة (لعلّه يجيني) ..!
مجبور اتمتم (لحن غيّاب) لحظات
واجامل الضيقات بيني وبيني ..!
وآخذ على دروبي ( للاحلام) خطوات..!
واقول :- ( يمكن باقي ٍ يحتريني) ..!
ويمر صمت الوقت وتمر [لمحات]
واخايل طيوفه واقول انثريني
مابين أوراق الدفاتر روايات ..!
(ب/ اسم العنا) واحلام طفلة حنيني ..!
