يا رأس مال الحب لي غذى زماني
العشق منك اليوم قد افلس رصيده
طبعك تغير واتجه في درب ثاني
من يوم ما صارت مفاهيمك جديده
غرك وفائي واهتمامي واتزاني
واشواق قلبي لي وسط جوفي وقيده
حتى بنيت من الغرور اكبر مباني
في أرض قفراء والمدن عنك بعيده
صحيح اني فيك عشمت الأماني
بس القدر ما جاب لي فرصه سعيده
يا ما رسمتك حلم واعطيته تفاني
ويا ما جمعتك وصل وكتبتك قصيده
وياما سهرتك ود في طيف احتواني
وياما بكيتك شوق في قصه تليده
وياما صبرت وطول صبري ما رثاني
ولا جنيت اللي انا قلبي يريده
عانيت في حبك وفي بعدك اعاني
والصبر نعمه ربنا واحنا عبيده
راضين بالمقسوم واللي كان كاني
وما فات من اعمرنا ما بانعيده
يا رأس مال الحب لي غذى زماني
العشق منك اليوم قد افلس رصيده
طبعك تغير واتجه في درب ثاني
من يوم ما صارت مفاهيمك جديده
