كلمن كتب له بيت . قالوا شاعر
يا كثرهم يلي لهم نقرأ ونسمع
الناس ترفعهم على كـــل المنابر
مـا دامـت الدنـّيـــا وهـــي ترفع
يستنفذون أوراق وأقلام ومحابر
ويـــا قـــل مـا تلقـى بهـم مـبدع
تشوفه بين قوسين( شاعر مغاير)
شاعــر ولا يكـتـب إلا لـــــ يبدع
يترك بخدك دمع واشجان ومآثر
وفي لحظة ينسّيك الشجن والدمع
شاعر يحط المُعَيّن بعينك دوائر
ويقدر يخلي المثلث تشوفه مربع
يعبر بك مدن وبلااااد بليا تذاكر
يسافر بك جهات العالم الأربع
شعور الشعر لا منه انقرأ يأسر
قلوب الناس واذان الذي يسمع
بليغ الطرح تأثيره يبيح السرائر
ولاهــو كــذب وإيمــاء وتصنع
لخبط زمان العولمة شوف النواظر
وابن اليمن بيعاقبه بذنوب تُبع
فينا القوارض والحيايا والكواسر
وفـي بـعـضـنــا نـأكــل ولا نشبــع
تختاض صحرانا عسى تألد عناتر
والخيل ترقب حبلها للشمس تطلع
تمشي مصائرنا على نفس البصائر
يصير الفارس الأجبن هو الأشجع
ما عـاد فينا للكرامة جـرح غائر
وماظل بأصناف المراجل صنف يقنع
بان العروبة كسرها الموجوع جابر
والمسجد الاقصى بحد السيف يرجع
ما تعيش بهالزمن غير السنافر
أو خشم سبعن تكسر مخافه/ ضبع
تدور بالأقصى المكائد والدوائر
وإحنا سيـوفنا الحدباء بنا تقطع
هذا يبيعه بالذهب واغلى اساور
وهذا يهـوّد سيرته واخر يوقع
للمستحيل أفواه وجيوب وحناجر
ما عاد للممكن بكفه غير اصبع
كلمن كتب له بيت قالوا شاعر
والشعر لا منه انكتب / يوجع
