ياما تقهويت من هيله وبنه
والطيــب لامـن فعلته مابــها وش يبعد الـهم ياللي ناشد(ن) عنه ..
عـزالله أني عجزت أنطقه بلساني ..
يـــاما تقـــهويت من هيـــله وبـنه ..
لـوقلت بس! قال : أقــدع وقهواني ..
ياجـــر قلـبي لـيـا من جــرّو الشنه ..
أحــس معلـوق قلبي جر الألـحاني ..
الـــرجل قد المــواقــف يوم يـاتنه ..
ميـر الرفيق لياتنكر موقف(ن) ثاني ..
اللـي هقا فـي رجال وخيبو ّ ضـنه ..
كنــه يطـعن بـحد السيـف شاماني ..
أبــــوي يطري كلامه يمالـ الجنه ..
تمـشي نصيـحته بدمي وشرياني ..
يقـول حقـي عليك ان ضـيـقك تكـنه ..
أنـــت تحمله لـو ماكـنت غلطاني .
كم واحد(ن) في مصابك يبتسم سنه..
ولا أبيه يشمت بضيـقك أية أنساني ..
الجـــرح لابـد من الأيــام يبــــرنه ..
ولابد خيط الجريمه يعلن الجــاني ..
والحـرب أنا لونـويت أعلنه وشنه ..
مايعرف بنيّــتي أقـرب اخواني ..
والطيــب لامـن فعلته مابــها مـنه ..
درب(ن) محدر معه من دور جداني ..
واللي تردي يصير بنظرتي كـنه ..
ميت(ن) وهو حي جعل الله لايبلاني ..
والا رفيـــقي ليـّــا مـن جــر له ونه ..
كنـــه يحـــرم عليّ نــوم الاعيـــاني ..
الرجــل قــد الصعــأيــب مايهـــدنه ..
والحمـل يثنـي له الركــب بليـــهاني ..
قال المثـل عيب(ن) من بعد العزم كنه ..
وعيب(ن) على اللي تخفي عقب ماباني ..
النــــور يبــــقي وأيـــديــنك مايخــفنه ..
والطيــــب متعــدد أشكــال والــوانــي ..
وحظيـــظ مـن تــم شـــرع الله والسنه ..
وماهــــو علــى مغريات الوقت شفقاني ..
يـــالله لاتحــرم الطيــب مـن الجــنه ..
وفي ذلـة النفـس ياربـــي لاتبــلانــي ..
مماراق لي
