(شبيك لبيك)
لا تستحي مول آمر قول وتــــــــدلل *
* شبيك لبيك وانت الآمر الناهـــــــي
لا يمكن ارفض طلبك ويمكن أتملل *
* أوامرك جاه وانت العز والجاهــــي
ما همني قول من كثـّر ومن قـــــلل *
* أجيك برضاي لا ساهي ولا لاهــــي
غلاك في القلب يكبر بي ويتســـــلل *
* يقولها القلب قبل تقولها شفاهـــــي
غرام غيرك حرام وحبك محـــــــلل *
* يا احلى من السكر في آخر الشاهي
لك فز قلبي بطوع وكبـّـر وهـــــــلل *
* يا من بزينه ولينه ماله مظاهـــــــي
سحرت قلبي بطرف ٍ رمشه مـضلل *
* جذاب نهاب فيه السحر متناهـــــــي
وضحت لك وانت حلل وأكمل وعلل *
* يا عود موز ٍ لدين ٍ بالترف تاهـــــي
