مضمون حبّك على الخفرات متعلّـي
مضمون حبّك على الخفرات متعلّـي
يا طول صبري من الهجران يا خلّي
والرّوح منّي ومـن هـمٍّ يكابدهـا
انت الهوى .. وكـلّ الكـلّ بالكلّـي
وانت الذي بالهوى روحـي تعذّبهـا
ياخلّ غيرك على الدّنيا أنا من لـي؟
يا كيف دايـم تصدّينـي متاعبهـا
مضمون حبّك على الخفرات متعلّـي
يا من وحوش الخلا تاخذ مقاودهـا
ارحم صويب براه الشّـوق معتلّـي
وجروح راعي الهوى أعيت طبايبها
دعواي دعواك دعوىَ مالهـا حلّـي
لى طلبـة لـو بعـد مـرّه تنفّذهـا
لو بس شوفك بعض لايّام يحصل لي
بيزول هـمّ علـى نفـس يراودهـا
كنّ ابعيانك سهـام المـوت ينسلّـي
وخيول جيشـك تهدّدنـي ركايبهـا
إن كان يا زين هذا الحال راضٍ لي
حذراك لايّام ما تصفـو مشاربهـا
الخدّ نوره بداجـي اللّيـل مشعلّـي
يسني على دار باعـد بـه قرايبهـا
العين عين اشقـرٍ للصيـد متخلّـي
وانا الذي صِرت في مَدْمات صايدها
لا واخساراه حسايفْ ما مضى غلّي
واتعبت لاقدام ع الفاضي عمايدهـا
