لو كل ما عيني تمنّاه تلقاه=إن كانها لقتل عيون الضريرة
و اسعدت لي حزنه من الوقت بكاه=و ضوّيت للغالي دروب سفيرة
و امسحت دمعة طفل يتمه تحدّاه=نفسه من فراق الأهالي كسيرة
و الشايب إلّي ما لقى حد يرعاه=ترعاه عيني يوم عينه غريرة
و إلّي اعتزابي يبشر بما تمنّاه=بجعل ضلوعي له ظلالٍ ستيرة
و اسعف عزيز ما شكا الناس بلواه=يشكي لربٍ مطّلع بالسريرة
كبر الطموح منوّخبّي مطاياه=و لا هي غريبة دام عيني سهيرة
الحر نفسه للمطاليع تحداه=و إن هد صقّاره تفاخر بسيرة
من يدفعه عزمه و طيبه و مجناه=يمشي بنهج أهله بنفس الوتيرة
و لو كل رجلٍ قرم ورّث مزاياه=ما صار لاصحاب التواريخ سيرة
أحدٍ يجيه الطيب عاني و يخطاه=و احدٍ عنا له لو دروبه خطيرة
يا كم كريمٍ تفعل الطيب يمناه=يمد لو كانت ظروفه عسيرة
هذا الزمن أهل المكارم ضحاياه=متخالطٍ للناس شرّه و خيره
يا عين من يبني على الطيب مبداه=لو عاكسه حكم القدر مايضيره
و أنا زماني ضامني من سواياه=كلما تزايد قسوته قلت خِيرة
يا صاحبي صبح لمن طوّل غفاه=و الحلم ماشميت زاكي عبيره
صارعت يأسي و اتكالي على الله=و لا خاب من رب البرايا نصيره
يا الله يالّي كل عبدٍ ترجّاه=تفرج لعينٍ من عناها سهيرة
