نطوي مع اﻷيام عام وراى عام
السلام عليكم..
طاابت أوقاتكم ..
هذه قصيدة أعجبتني فأحببت أن تشاركونني فيها..
نطوي مع الأيّام عـــام ٍ ورى عـــــام
وتمر ساعــــات الفرح في دقــــايق
أيــــام راحت بالعمر مثل الأحـــــلام
يوم ٍ بها زعـــلان.. وأيـــــــام رايق
درست من دنيـــاي وأتعبت الأقـــدام
وبدلّت عن بعض الطــرايق طرايــــق
وكفَخْت بأفكـاري كما الطير لا حــــام
وما عــــاقني عن ماكر العـــزّ عايق
ياصاحبي خذني معك {"سـيف"} وحزام
ويّــاك في وقت الرخـــــاء والضوايق
أخــوك بالفزعات ضــاري {وعــــزّام}
يشوقني للطــيب والخـــــــير شايق
وترى البشــر ياخوك منقسمه أقسـام
بين الرّدَى والطِـيب.. شفت الحقــايق
لقيت من صلـى وزكـــى ومن صــام
ولقيت منهو لأقـــــــرب الناس بايق!!!
ولقيت من قلبه حقودٍ ونمام!!!
ولقيت من قلبــ♡ـــه يعزّ الرفـايق
ولقيت من يبني الأمـل فوق الأوهـام
واللي يمــوت ولايعرف العَــــوايق
ولقيت من يملك بســاتين وأنعـــــام
واللي من الحـــاجة ينام مْتضــــايق
اللـــه خلق هالخلق ســـــادة وخدام
ذي دبرة الرحمـــن ربّ الخـــــلايق
وآخــرك يابن آدم ترى قطعة الخـــام
أمر ٍ أكيــــد وما يبي له وثـــــايق
يـــالله عسى ماكون قطّاع الأرحـــام
وعســاي من عقب القبر في حدايـق
جاك الكــلام وخذ معه بصمة إبهــــام
إن العمـــــر كلّه مجرّد دقــــــايق
