يآ ليل ابى اشكيلك الحآل
يآ ليل ابى اشكيلك الحآل واعوآقه
وانا ادري بك رآعي موآجيبي
النفس لشوفه ولقيآه توّآقه
ودي به لكن شوفه اصعيبي
الرجل في دروربه منحثّه ومنسآقه
لو ان دروبه منكوست عرآقيبي
والصد في البعد لآآآح برّآقه
في حزة(ن) فيهآ عوى ذيبي
لو انّي اعرف بخآفي اعمآقه
كآن خفّت من صدري متآعيبي
كل الحوآس لشوفه مشتآقه
ليت يعلم بي ليت يدري بي
من شآفني بيجفل من ارفآقه
بيظنني ميته من زود تعذيبي
على هونهآ تمشي الايآم وبفآقه
والعوق متزآيد والهموم تسريبي
وكثرت علي حكآوي نآس لفّآقه
واصبحت عنوآن للنقد والعيبي
يآ ليل الشمس مآشوف لهآ اشرآقه
سوآدك كسى ضلوع(ن) محآديبي
يآ ونتي ونة من مكسورةٍ سآقه
لآ بقّى لهآ دوىً ولآ خلّى لهآ طبيبي
بالامس تمشي واليوم منعآقه
الكسر كآيد و جبرهآ صعيبي
ويآ ونتي ونة من لآفته نآر حرّآقه
وسمهآ بآقي ولهيبهآ لهيبي
انهد حيلي ولآ عآد بي طآقه
يآ هآدم اللذآت تعآل اقرى مكآتيبي
انا عود(ن) ذوى وحتّت اورآقه
ودّه ينتهي من دنيآ مآ بهآ طيبي
