عرض للطباعة
اذا حد ضحك عليش بقتلش .
التهديد الي دمر جيلنا
لكن كيف ؟
الاب يقول لبنته اذا اكتشفت انش تطلعي مع ولد او تراسلي شباب بقتلش .. البنت بسبب طبيعتها بتحب شخص معين ويمكن ترسل له صورها ..
وبعدين يهددها بالصور عشان تطلع معه .. وفعلا بتضطر تطلع معه لانها خايفه من تهديدات ابوها ..
هنا التهديد كان مضر وانا شخصيا ضد سياسة التهديد فالتربيه لان يخلي الابن او الابنه ضحيه للخوف من العقاب .
انتو ايش رايكم ؟
ضد التهديد والعقوبة المبالغ فيها
التربية تحتاج إلى إحتواء وحب ونقاش وحوار
مو قتل مره وحده
شكرا ع الطرح
...
انا عن نفسي اشوف الاب ما غلطان
وتستاهل قتل البنت بعد.
يعني شورك تخليها ترسل صورها للشباب وتصاحب كل مره حد عشان ما تحس انها مهدده.
ولد الحلال احنا مجتمع نحاول نمسك بأيدنا واسنانا على عاداتنا وتقاليدنا ا اللي بدت تروح.
كيف تبينا ننتهج سياسه جديده ما فيها تخويف
والتخويف هوه احد انواع التربيه.
لان البنت لو خافت الاهل وخافت على سمعت اهلها كل اللي ذكرته مستحيل يصير.
عزيزي
حاول تختار مواضيع تناسب المجال وتراعي مشاهر الفتيات والشباب في القسم والسبلة.
اما الاراء والافكار والاعتقادات الشخصيه ممكن تحطها في مدونتك الشخصيه.
هههههههه بعيد الشراقتباس:
المشاركة الأصلية كتبت بواسطة عيون البشر
أصلا الأب لو ربى بنته تربية صحيحة وكان خير جليس ومستمع لها مستحيل راح تسوي شي غلط بس إذا كان أب مش مسؤول وما عنده سالفة غير الضرب والتهديد شي طبيعي راح تحاول تهرب من شكله والبحث عن أحد يحتويها
ههههه والله يا سيدتياقتباس:
المشاركة الأصلية كتبت بواسطة الليدي بسمة
اعتقد امهاتنا واخواتنا الكبار
عاشو من الصباح في المطبخ والخيزرانه تغني ع ظهرهن لو ما خمن الحوش
وتعلمن وصارن موظفات وصار لهن اسر واولاد وعمرهن ما حد عاملهن بالاحتواء اللي نتحدث عنه الحين.
البنت تربيها بيئتها وتكون بنت البيئه والبنت تتحمل كل شي اهم شي البنت تحب بيتها وما تشوف خارجه وتأكدي انها بتكون احسن الناس
عذرا ممكن قناعاتي يخالفها البعض
ولكن يبقى رأي شخص
بس أكيد بتكون داخليا مجروحة ومتوجعة بس ساكتة علشان خاطر المجتمع علشان لأنها بنت مش المهم أحد يسمع لشكواها وحتى لو شكت لأحد إنها كيان وجب احترامه يمكن تضرب زيادة وطبعا أنا نفس الشي ما مع إنفتاح البنت وإنها تعمل كل شي على كيفها لا الأخلاق خط أحمر بس ضد العنف المبالغ فيه.
التخويف يكفي والانثى بطبيعتها تخاف وتحاتياقتباس:
المشاركة الأصلية كتبت بواسطة الليدي بسمة
وبيني وبينك حلوه الشده والا ما بيتعلمن يخبزن ويسوين قروص
خاصه هالايان الجو بارد
ولما تدش البيت وتشم ريحة القروص بالليل وتشوف صينيه منهن تروح تبوس راس اختك لانها ما مقصره.
ما يحتاج تضربها وتنازعها علشان خبز وقروص بس قولها أختي الحبيبة سوىلنا خبز وقروص وتشوف كيف أطير من الفرحة وتسوي من خاطرها.
ههههه بعيد الشراقتباس:
المشاركة الأصلية كتبت بواسطة الليدي بسمة
القصد غير والمفهوم غير
قصدي انه كل انثى فيها نزعت الخوف.
اما موضوع القروض مختلف
اصلا الصبايا رياحين خلقن لنا
ونحن شعب امنا ارض نلبي ما تشاء
ولها نقف احتراماً، نحن نحترم النساء
لكل من قال ان التهديد انسب اسلوب فالتربيه .. القرآن يقول ادع الى سبيل ربك بالحكمة والموعظة الحسنه ..
الاب يقدر يربي بنته بالحكمه والنصيحه .. نعم الضرب يفيد فالطفوله ولكن للمراهق الافضل نصحه باضرار ما حرم الله