تستاهلين القلب يا بنت الأجواد،،،
تستاهلين القلب يا بنت الأجواد
شرواك ترخص له قلوب كثيره
أنتي ملاك زان بالحسن وازداد
روعه.. وصرتي جد حاجة مثيره
كلٍ عرف زينك قريبين وأبعاد
زين مع العربان ماشيف غيره
اقلوب تشغف فيك وعقول تنقاد
تنقاد يمك في غرابه وحيره
الله عطاك الزين والله اذا راد
أعطى لمن يبغى مزايا كبيره
يا عنق ريمٍ في الخلا دووم ما اعتاد
قرب العرب دايم وهي مستذيره
ويا عين حرٍ مغتذينه للأهداد
سوداء.. ونظرتها خطيره.. خطيره
نظرتك تسبي عقول شيّاب وأولاد
فيها سحر يسبي العقول الكبيره
ولك مبسمٍ ساطع كما الجمر وقاد
ولون الزهر في خدةٍ مستديره
ولك أشقرٍ مائل على المتن منقاد
لهب نسناس الهواء يستثيره
حزتي جمال الكون صدقٍ بلا عناد
ولا ينلقي زيك بمليون ديره
وتستاهلين القلب يا بنت الاجواد
القلب لك مالك بقلبي خشيره
.
