ساقتني القدرة ومريت الاطلال
ساقتني القدرة ومريت الاطلال
عهــد الطفــــــــــولة
ساقتـنـي الـقـدرة ومـريـت الاطـلال .. وجيت الرسوم وشفت عهد الطفولة
وخانتـنـي العـبـرة ولـوكـنـت رجـال .. بـعـض الـمـواقـف ماتفيدالـرجـولـة
قامـت تـوارد ذكريـاتـي عـلـى الـبـال
كـم طــاري بالـحـال وصلـتـة ذلـولـة
هـواجـسـا قـامـت تـوارد وتـنـهـال .. هـذا يـروح وذاك عجـلـن وصـولـة
وعدت قدم رجلـي علـى راس مطـال
رجمـا زهـا فـي ناظـر العيـن طـولـة
اقف براسة وارسـل الطـرف للجـال
ياخـذ بــدار الامــس جـولـة وجـولـة
يـطــارد الـذكــرى بـوديــان وجـبال
ويشوف عقبي وش جرا في سهولة
ولقيتهـا عقـب البـطـى مابـهـا ازوال
ماشفـت فيـهـا غـيـر ضـلـي وزولــة
وقـفـت انـا مهـتـال والقـلب يجـتـال .. عواصـف الذكـرى بصـدري تجـولـة
اقـــول يـدارا لـنـا فــيـك مـنـزال .. ويـن الـربـوع الـي تعـاقـب نـزولـة
وين الرجال الي زهـو زيـن الافعـال
الــي خـذوا بيمـانـهـم كـل طـولــة
قالـت زمانـا شـيـن وايـامـه اطـوال
ومع طول وقتي صرت منهم محولة
دنياعنـيـدة والـزمــن شـيــن لامـــال
وش شفت من جور الزمان وميولة
قلت الزمن سوى بي اهوال واهوال
ودنـيـاي تـاخـذ كـل غـالـي تـطولـة
كم غـالي مـنـي غـدت فـيـة رحـال
غـالـي ورا غـالـي تـقـفـي رحـولــة
يمـا خـذت نـاس لـهم قـدر وجـلال
اقـفــت بـهــم سود الـيالـي عـجـولـة
نـقـلـت مـنـهـا كـل هــم وغــربــال
فيمـا مـضـى والـيـوم زادت حمـولـة
دنـيـا تقـلـب كـل يــوم عـلـى حـــال
لواقـبـلـت يـومـيـن تـرجــع خـذولــة
لاجيتهـا فـي قـول قالـت لـهـا اقــوال
ولاحـــدن يـلاويـهـا بـهـرجـا تـقـولـة
نرضـى لياليهـا عـلـى كـل الاشـكـال
ونقـبـل بـهـا لـوكـان صـعـبـا قـبـولـة
للشاعر / حمود مسعد الخضري العطوي
