ألا ليت الزمـــن يرجع ورا و إلا الليالي تدور،،،
ألا ليت الزمـــن يرجع ورا و إلا الليالي تدور
و يرجعنا وقتنا الأول و ننعــــم في بســاطتنا
زمان أول أحس أنه زمان فيه صـــدق شعـور
نحب و نخلص النية و تجمعـــــنا محبتنا ..
زمـــان ما فيه لا غيبة و لا حتى نفاق و زور
ياليته بس لو يرجــــع و نسترجع طفــولتنا
صغار قلوبنا بيضا نعيش في عــــالم محصور
و لا نعرف أبد أغراب ما غير عــيال حارتنا ..
صحيح صغار في التفكير لكن ما علينا قصور
نخطط نكســـــر اللعبة و تسعـــــدنا شقاوتنا
نروح المدرسة بدري و نضحك داخل الطابور
نحــــاول نزعــج العــــالم في روحتـــنا و جيتنا ..
و عشان نأخــر الحصة نخبي علبة الطبشـــور
نشاغـــب بس في الآخــــــر تميزنا بـــرائتنا
نحب الضحك و الهيصة نحب ننط فوق السـور
نفرفش ليه ما نفـــرفش مدام الضحك عادتنا ..
و لكن دارت الأيـــام و بان الخـــافي المستور
و صـــــار الهـــم متعلي على قمة سعــــادتنا
كبرنا و صارت الدينا تصـــــف أحزننا بالدور
و تهدينا الألم و الهم غصب عن عين رغبتنا ..
تعبنا من بلاوينا أحد ضـــيق و أحد مقــهور
و كل غـــــارق بهمـــه و في الآخـــــر تشتتنا
أنا ما أقول غير إلا يا ليت إن الزمان يــدور
و يرجع للــــورا فترة نعــــدل وضـــع عيشتنا ..
