..{ ترجيتـك وانـا دموعـي تنـادي لا تفارقيني }..
ترجيتـك وانـا دموعـي تنـادي لا تفارقيني
تعالي وعالجي إحساس ٍ جرحتيه حيـل وأهملتـيه
قتلتي الشوق في لحظة عنادك وأنـتي ظالمتيني
وحب ٍ مات في مهده حبيبي كيف أعدمتيه
تناسيتي الغلا وبعدك ياليـت المـوت ياخذنـي
وترحل روح محرومه عزاها حـب ترجمتـه
جفاكي وصدك اسهرني ودموع الحـب تحرقنـي
تشتت فكري وقلبـي عطيتـه لـك ولا صنتـه
تغير قـدري بقلبـك وفيـك ظنـون تاخذنـي
قسيـتي وقلبـك القاسـي وانـا للـود علمتـه
خذوني من دفا قلبـك ويامـا كنـت توعدنـي
نسيت الحب و أخبـاره وكنّـك مـا تحضنتـه
تردد لي صدى صوتك ( أحبك ) فيها أطربنـي
تعالي ارجوك في قلب ٍ تركتيه يمـوت حطّمتـيه
أحبك والجروح اللـي مـن عنـادي تعذبنـي
تراني حيل ندمان وعنـادي أنـتي روّضتيه
كفانـا جـروح ياعمـري طلبتـك لاتزعليني
أنا ما اقدر على الفرقـى تعـالي بقلـب جننتـيه
وضميه حيل لا تقسـي لعالـم ثانـي أسرقنـي
ولحظة حب تاخذنا وهـذا الحـب هـو أنتـي
