اليآس طاغي والامل!! ضـاع فاليـاس
اليآس طاغي والامل!! ضـاع فاليـاس
أصبح على هوجاس..وامسي بهوجاس
رآسي وما ادراك باللـي فـي راسـي
اليآس طاغي والامل!! ضـاع فاليـاس
هذا وانا اللي ميزتـي قـو .. باسـي
جالس في وسط الناس.. ماني مع الناس
ربعـي و ناسـي كنهـم غيـر ناسـي
يا وجد حالي كـل مـا هـب نسنـاس
ابحـر مـع اهجـوسٍ بليـا مراسـي
مع كل هبًه.. يبتـدي حبـس الانفـاس
واعقد حجاجـي والخفـوق امتناسـي
اللي وهبته حب..وافـراح..و ألمـاس
واسقيـه كاسـي وقـت ذروة يباسـي
كنت آتنومـس فـي محبتـه نومـاس
وكان الوحيـد اللـي بقلبـي اساسـي
شخصٍ حسبته صافي القلـب حسـاس
وظنيت قلبـي طـاح فيـه امتواسـي
واثري انا واحلامـي البيـض يئًـاس
غدره!! غرف قلبي.. و موًت حماسـي
يا هم عينٍ مـا لفـى حولهـا نعـاس
دقـات قلبـي حارمتـنـي نعـاسـي
مغبون.. غبن اكليب من غدر جسـاس
و ازريت اكون ابـرد فعلـي سياسـي
ماهيب والله خفـة القلـب و الـراس
ثقلـي.. يحطـم كـل رقـمٍ قيـاسـي
لكن انا ما نيـب واحـد مـن النـاس
وهذا ماهو قـدري ولا هـو مقاسـي
واسمي اذا حطوه من بيـن الاقـواس
ما هو ترى مـن صورتـي او لباسـي
باقواس لاني بالشعـر طيـر قرنـاس
ويطيب شعري من بعض طيب رآسـي
و كاني انا اخطيت و امًنت (جسًاس)..
مليون (زيـرٍ) بيـن ربعـي و ناسـي
مـمـا راق لـي
م/ن
