‹شمس و ظل (ح)
إلى متى متلازمين وكننا شمسٍ وظل
مانظهر الا مع بعض وكل واحد بإتجاه
متخالفين بكل شي ورغم هذا من تطل
يجيك قلبي تاركٍ كل شي بالدنيا وراه
ويعيش فرحة ناقصة بشوفتك ماتكتمل
إلى متى نبقى كذا بذمتك هذي حياه
نعيش دوم بإختلاف ولما اتفقنا بالفعل
إنتي تسمينه غروب وانا مسميه الوفاه
الله كم صادق بوصف أحوالنا هذا المثل
مادمتي شمس واناظل محد يحقق مبتغاه
بذمتك لا ترجعين غيابك أرحم لو ثقل
من عيشه تبدا بالهلا وتنتهي بالله معاه
أموت ليل ولا نهار ينهار من همه جبل
وعمر قضيته بإنتحاب ,,آهٍ و آوّاهٍ و آه
