شياطينك
باجيك يا ناعس الاهداب وانت ادرى
لو المسافة كبيرة بيني وبينك
ابغيك مستقبل الخفاق والذكرى
وابغي عيوني تنام وتصبح فعينك
يا غالية آه لو يطول الليل والمسرى
أبسأل الليل عن آخر عناوينك
تمخطري مثل وصف المهرة الشقرا
اذا تمثلت بالاشعار في زينك
وتمايلي مثل غصن الشجرة الخضرا
لا حاسة بايدي برقة لمسة ايدينك
ولهان يا فاتنة يا بنت يا عذرا
لو ان لي عندي صبر ما قلت لك وينك
ان القيم والادب والصدق والاحرى
يطغى على قسوتك يوم الهجر لينك
الهجر بين الحبايب عيب ما يطرى
وانتي من الهجر ذابلة بساتينك
يكتب فراقي في عينك شي ما يقرا
تنسخ دموعك حروفه فوق خدينك
يالله عسا كل جرح منك مايبرى
وعساني آخر حبيب من محبينك
باجيك يا ناعس الاهداب وانت ادرى
لو المسافة كبيرة بيني وبينك
