القصيدة الأولى
ما لقيت لخطاك يا صاحبي تبرير .. كل ما أدورها براسي ندامه
خسرتني وأنا كنت أعتبرك غير .. وعن باقي البشر كان لك هامه
بعض الكلام يورد من غير تصدير.. وبعض الحروف تكسر أقلامه
ماكان للخطأ داعي يا وجه الخير .. ترى الزمن ماله بوقتنا استدامه
روح بطريقك عسى تلقى غيرنا غير .حنا نسيناكم وخسرنا السوق وسهامه
هذا الكلام اللي جابه لنا الطير . رسالة التعبير عليها من الوفاء اختامه
(( مكة الأمان ))
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,
الثانية
كتبت الشعر على صفحة شمسنا والماء
وسجلت المعاني على لفظ العرب والفرس
قصيدة من عواطفنا تشغل لسان الضاء
قصيدة غار القمر منها في وصف الشمس
أحب اللي على بيتنا يوم العيد مرنا وجاء
وكتب لي في بطاقة شكر يا بعد كلي حس
أنا بإحساسي العاشق المهتم غريب الداء
تعب قلبي وأنا من طبعي عزيز النفس
ومن حاول على طرفي دعس فوق الماء
أنا ما يندعس لي طرف ومسكني رمس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،
الثالثة
القلب يا أخوي به حيرة ومشتاق
لعيون خلي ناعم العود فتاني
اللي بحبه حرق قلبي إحراق
يوم (ن ) يجيني وأيام ينساني
كتبت قصتي على بيض الأوراق
كتبتها وحبر الدموع ما كفاني
حبه سرا بي سرية العشاق
على ضوء قمراء تلهب أحزاني
صبرت على همي والصبر ما طاق
يا صبر أيوب والله ما كفاني
مسكين يا قلبي ما تحملت افراق
بلاك من حب بالزمن فاني
(( مكة الأمان ))
.................................................. .................................................. ......
القصيدة الرابعة
قالت لي اكتب ؟ قلت وش هالقصيدة ؟ ....قالت هوانا ، قلت بحر وغرقناه
قالت وحبي ؟ قلت مبدأ وعقيدة ........ قالت قصيدك ؟ قلت لجلك كتبناه
قالت لغيري ؟ قلت أنتي الوحيده ......قالت لي أثبت ؟ قلت فرقاك ما أقواه
قالت وشوقك ؟ قلت ناره وقيده ...........قالت حناني ؟ قلت يا حلو مجناه
قالت بعادي ؟ قلت همي يزيده ...........قالت وصالي قلت روحي تمناه
قالت لي اصدق ؟ قلت حاجه أكيده ...... قالت تحزن ؟ قلت هم ورضيناه
قالت لي أكتب قلت وش هالقصيدة ؟ ... قالت أعذب حب منك عرفناه
.................................................. ......................................
القصيدة الخامسة
الشوق كل الشوق شفته بعينك ........... وأحلى كلام الحب همسة شفاياك
راعي الهوى يحتار في وصف زينك....... ويا كثر ما بالهوى من ضحاياك
حبل الهوى كله مسكته بيدينك ........... وكل الشعر يعجز يصور حلاياك
خليت كل الخلق تمشي بكيفك .... ولا أحد في الهوى سوى سواياك
لظلم سواد الليل يضوي جبينك .......... .لا عاد أبو ليل سهرته بلياك
يا صاحبي باقي في القلب دينك .... سدد ديون الشوق في يوم رؤياك
هذي ثمان سنين من غبت وينك ........الشيب بادي ولا حل بالسمع طرياك
مديت لك يمناي عطني يمينك .............. درب الهوى كله أبمشيه وياك
والليا ذبحني الشوق أورد حنينك ......... وأصافح الأشواق في يوم لقياك
