يا عالم ضاع لي قلب دخيل الله من شافه .

تعبت اكتبك يا شعر .. كسرني و انجبر قافه"
تعبت اكتم خفايا هالسنين و تفضح الخافي


يا عالم ضاع لي قلب دخيل الله من شافه .
تركته في معاصير الزمان و خابره حافي


لعب فيه الدهر لين الدهر من طيبته .. عافه
اصونه زي ما صنت الحشيمه من شغب .. قافي


ياقلب صادق مخلص عفيف تندر اوصافه
صرخ من جور هالدنيا .. تعبت اكون انا الوافي


تعب منهو يلومه لو تعب .. و انطمست اطيافه
اذا صار البخت اعمى .. على جال القدر غافي


زمان .. صادق النيه .. يعيش بدنيته افه
زمان عز .. منهو لو تشوفه .. قلت يا كافي


و قلبي من عرفته بالهوى .. مكسور مجدافه
و شافه من غرف .. نبع الخفوق و غير اوصافي



غرف قلبي و انا اردد .. حلاة البير غرافه
شربني حب و عيني غارقه في نبع ه الدافي


ظلمني طبعه الرجعي .. ظلمني و ضيع انصافه
كثر ما كنت مخلص له .. كثر ما كان لي جافي



كثر ما كنت اغني له تعبت الظلم و اجحافه
كثر ما كان شاغلني كرم هالقلب .. و اسرافي



رميت الروح بدروبه .. مع إن الروح خوافه
تغلغل .. حبه بدمي و طوع لجله اطرافي


رسمته بين طيات السحاب و ذاك مشرافه
رفعته بين لمعات النجوم و ذاك .. ميقافي


جبته بطلب الفرقا .. كذا بس بسبب تافه ..
عسى مرحوم يا قلب وفاه مثقل اكتافي


يا عالم ضاع لي قلب ,, كبير و تندر اوصافه
صرخ من جور هالدنيا: تعبت اكون انا الوافي

نص مميز جدا بجماله تسلم اخي