الى من يكرهني .. فأنا لا اكرهك ..
الى من يكرهني .. فأنا لا اكرهك ..
ما دام تكرهني .. فأنا حيل معجبك
لأنك على دربي .. تسوق الخطاوي
لي مذهبي والا انت .. لك شان مذهبك
فرق الهدد ما بين .. رخم ونداوي
زرع(ن) زرعته .. لا تهابه ويرهبك
ارفع جبينك .. وانطح الوقت عاوي
لا تبدي اسرارك .. لو الوقت عذبك
لا تشتكي وان شفت .. ضيم وبلاوي
المشكله لا جاك .. ديان يطلبك
دين الجروح اللي .. تبي من يداوي
والمشكله لا جاك .. لغز(ن) مجنبك
حله ورمعاتك .. بعيده سماوي
والمشكله لا خان .. بالعسر صاحبك
وخلاك مطروح(ن) .. على الغدر ناوي
والمشكله لا صرت .. تضحك ويندبك
اخلاج صدر من .. المعاليق خاوي
والا المصيبه واحد(ن) .. دوم يشذبك
يفرح على ضيقك .. على الظلم قاوي
لا صرت ما تروي .. عروقك بمشربك
وش ترتجي والصوت .. بالجال داوي
لا صار ما يدحم .. على العز منكبك
لا تشره ان طالك .. من الهم طاوي
ولا صار ما تدسَم .. يمينك لشاربك
احلق شنبك .. وعزك اليوم ثاوي
يا حلو حلم الليل .. يا ليل ما اغربك
تبقى على حلمك .. لو النجم هاوي
:
:
:
:
:
:
والمشكله لا جاك .. لغز(ن) مجنبك ..
.............//................ حله ورمعاتك .. بعيده سماوي
