*روح نجدية -
أهواك والقلب طيرٍ في سما صدري
سَـتَّـل جناحه.. وطـار بـْروح نجديـّة
روح ٍ كِثِـر ما تِـحبّك صرت أنا ما أدري
هي ميـّتـة في غيابك أو شِـبـِه حـَيـّة
من كثـْر شوقي عليك وْمن كُبُر صبري
بَـعْدِك ولا تِملى عيني الكرة الأرضيّة
وإن جيت أبهديك عمري شِفت بك عمري
يا كيـف أبـعطيك شَـيّ ٍ إنتَ راعـيـَّه؟!
إنت السموّ اللي يسمو بْـهامِتَه قدري
إنت الفخـامة وإنـت عالـَمي وضـيـّه
ما أحبّك أعشق خطاك اللي بها تسري
وأحسد تـراب ٍ وطيْـتـَه رُوحَه وجَيّـة
لِك في رِيـاض المحبـّة آه لو تدري
ريم ٍكـريـمـة ولكن فـيـك أنـانـيـة
إن قِلت ماني على قيد الحيا عذري
كلمات : انور المشيري
