جديد هزت خفوق طاحت اوراق يباس
السلام عليكم ورحمة الله وبركاته
هذي القصيدة اهديها لكم..
واتمنى ان تنال اعجابكم..
هــــزت خفوقــــــي طاحت اوراق يبّاس
طاحــــت وهــــي تخفي ملامح جروحي
قامـــــت تجّمعها وهـــــي تحبس أنفاس
شافت بقايا اغصـــــان ماتت بروحــــي
قلت!!اصبري لحظه تري الغصن ميّاس
لا يغــــــــرك المنظر تري الزين يوحي
قالت تكابـــــر!!قلــت مــــن بد هالناس
معرف اكابـــر لا ولااعــــــرف انوحي
ثم ابتسمت وقلـــــت مابه تــــري باس
كـــل الحكاية اوراق كــــــانت طموحي
ومن عـــام ذبلت وانتشر فيني اليـاس
ماصـــــرت اعاتب دام حظـي شحوحي
دام الغصن يقوى على قوة الســـــاس
هـــــذا عزايـــه كـــــان للدرس أوحي
قــالت:وربـــي لاحيي اوراق يبّـــــاس
وتسكن وسط قلبي واشيد صروحــــي
ويهب اغصانك مــن الحـــــب نسناس
وتصبــح حبيب القلب ليّــــــــه بروحي
واضم اغصانك على الصدر باحساس
وتزهــــر بي اوراقك وعطرك يفوحي
وفـــي ذمتـي مجفاااك مادام هالراس
عايــــــش بهــذا الكـــون ولاّ يروحي
قلت:البلا والخوف بالوقــــت اجناس
منهــــم علـــــى تشويه حبي فروحي
قالــــت:تــرى بالقافلة دووم مقياس
تسري وتسمع مــــن وراها نبوحـي
وهـــزت خفوقي وازهر اوراق يبّاس
ومن دون مدري بالهوى قمت ابوحي
