مواطن مصرى مربي كان خروف!
مواطن مصري كان مربى خروف للعيد وصحى من النوم لقى الخروف ميت
أخده ع الدكتور البيطرى علشان يعرف سبب الوفاة
واتفاجأ لما الدكتور قاله الخروف مات بالجلطة.
أدار المواطن وجهه للخروف ومسك قرونه وأخذ يكلمه بتعجب وحرقه واستغراب وفضل يكلم الخروف ويقوله
**جالك جلطه ليه؟
خريج هندسة ومش ﻻقي شغل؟
خريج تجارة انجليزى وواقف فى سوق الخضار؟
خريج أداب وبتسوق تاكسى؟
خريج حقوق وبتشتغل سمسار؟
خريج زراعة وجالك تعيين فى الطرق والكبارى؟
جمعت كل اللى تملكه وأعطيته لإبنك لكى يسافر أوروبا وغرق على شواطئ اليونان؟
مديون ومش عارف تسدد ديونك؟
بتستنى دورك فى التعيين بقالك 10 سنين؟
اشتغلت وجالك تعيين بعيد جداً عن بيتك واتغربت فى بلدك ؟
كان قدرك إن تشتغل مدرس ؟
مش قادر تشتري ملابس لأولادك في العيد ؟
مش لاقى شقة ؟
سنك كبر وعايز تتجوز ومش لاقى شغل ولا شقة تتجوز فيها؟
.
**جالك جلطة ليه؟
واخذ قرض ومتورط في السداد ؟
جتلك فاتورة كهرباء وما قدرتش تسدد ففصلوا عنك الكهرباء؟
حاسس انك غريب في بلدك؟
الدنيا متلخبطة معاك ومخك بطل يجمع من كثر القوانين الجائرة؟
رفع اﻻسعار مش عاجبك ؟
حاسس إن في ثروات وبلدك فيها خير كتيييير ومش مستفيد منها ؟
**جالك جلطة ليه؟
.
من النواب وﻻ الحكومة وﻻ الإعلام الفاسد ؟
ع المعاش ومعاشك مش مكفي إيجار بيتك؟
جالك فشل كلوى من المياة الملوثة ورحت تغسل قالولك مفيش مكان إنتظرلك شهرين
**جالك جلطة ليه؟
الدولار هتك عرض الجنيه بتاعكم؟
نفسك فى السمك والكيلو وصل 50 جنيه؟
روحت تشترى لحمه لقيت الكيلو ب130 جنيه؟
جيت تشترى أرز ولقيت الكيلو ب 7 جنيه؟
روحت تجيب التموين وقالولك مفيش إلا جبنة دومتى و امواس حلاقة ؟
مش عارف تشترى كيلو فاكهة لاولادك؟
**جالك جلطة ليه؟
جالك فاتورة غاز ب150 جنيه؟
جالك فاتورة مياه ب100 جنيه؟
جالك فاتورة الكهرباء ب 150 جنيه ؟
نفسك فى التين والمانجة ومش قادر تشتريهم ؟
المشمش نزل السوق وخلص وانت ما سمعتش عنه؟
**جالك جلطة ليه؟
قرايبك معكننين عليك حياتك ؟
إخواتك مش بيزوروك؟
اقرب الناس ليك باعوك ؟
**جالك جلطة ليه؟
روح الله يسامحك
ويحرق دم ابوك 😁............
حس بينا يحس بيك ربنا
,, #مات_الخروف
