روح في دربك واقول الله معاك
روح في دربك واقول الله معاك
صعب تفهني وأنا صعــــب أسمعك
أللتقينا بكل شي الا هــــــــواك
وأتخذت أصعب قــــرار آودعــــك
الغرور اللي سكن قلبك عمــــاك
تحسب أن الحب خاتم بالصبعــــك
حبي الخايف رغم خوفه حمــــاك
وصدقي نزلنــــي ولكن طلعـــــــك
كنت أحسب أن الهوى كله وفاك
مطمعي حبك وحبي مطمعــــــــك
كنت اشوف الغيم يركض في سماك
وكنت أشوف الورد يتلاعــــب معك
كنت أشوف الشمس شمعه في ضياك
ومطلع أبيات القصايد مطلعــــــــك
كنت في عيني هوى روحي ملاك
صــــوّرك رب الخلايق وأبدعـــــــك
دوم تجرحني ومشيها معــــــــاك
دوم تنثرني وانا دوم أجمعــــــــك
لان حبي كان أصــــدق من خطاك
كنت انا أكبر من مجرد أخــــدعك
كنت أفكر كيف أنا أوصل رضاك
كنت أحاول في هوايه أقنعــــــــك
لكــــــــن الأيام ورتنــــي قســــاك
ماقدرت آقول كلمـــــــه تمنعــــك
أنتهى حبك وقلبــــي قد نســـــاك
ياخســــــــارة عمــــري اللي دلعك
لانت من ثوبي ولاني مســتــــواك
خــل هــذا الكــون كــله ينفــــعك
