قـــــــرئ على جثمــــــاني
ارجوك لاتقسى علي انت بالذات ..... حالف برب الكون يالعمر مقدر
يالعمر كان الحب في داخلك مات..... في داخلي حبك مع الوقت يكبر
يالعمر لو قلبي قتلته بلحظات ...... وصلى عليه الوقت هلل وكبر
ماعيش مع غيرك سنيني مسرات..... يالعمر مع غيرك حياتي تعسر
حرام ترميني بسكة متاهات...... مقدر مقدر على فرقاك لو كنت تقدر
انت الحياة ودنيتي والملذات..... انت الكبير اللي له الذات يصغر
انت الذي تسكن بكل اتجاهات ..... من وين مامشي طيفك العذب يظهر
عودتني طيبك وعطفك بساعات .... وعودتني حلم مع الوقت يزهر
واليوم مقدر ابتعد عنك خطوات .... لو جيت ابعد عنك رجلي تعثر
المستحيل انساك وانت البدايات...... ياحلى بداية عنك وشلون انا اصبر
انا حياتي دونك اليوم حسرات .... والله صدك يوم يالعمر يقهر
لمين تتركني بدنيا الغرابات ..... مالي احد غيرك ببلواي يشعر
افضل لك اقتلني وقل للبشر مات.... موتي بيدك اريح من البعد واطهر
لا يارفيق الدرب كان الامل فات .... اقرى على جثماني بصوتك اجهر
لو كنت عايش كني بوسط الاموات.... انا بعد ماتروح دنياي تكدر
انا بعد ماتروح ماشوف ضحكات .... أضيع بين الناس في ليلي اسهر
والله مخطي وان بعد شفت غلطات ... قلها وانا لك ادفع الروح واكثر
بعض البشر تنسج علينا حكايات ..... ناس يبون افراقنا لكن احذر
لاتترك لهم الفرصة بدعايات ...... خل الحمام بجو الافراح يعبر
تعال ونسني بضحكه وهمسات ...... تعال خل العمر يالعمر ينور
اجيك انا كلي غلا اجيك دفعات..... لاشفت زولك كل الافراح تحضر
تعال نبني للامل صرح وابيات..... الله يجمعنا على حلم مثمر
اطلب وانا بعطيك لاقلت لي هات ...... يالعمر لو هو عمري اقول تبشر
ارجوك انا مقوى جفاك انت بالذات ...... لولا الحياء لاصيح يالعمر ماقدر
اتمنى أن تعجبكم .....
