يجبر الله ما أصابنا إنا لله وإنا إليه راجِعون
ارتجل من صهوة الأمجاد راعي المنجزات
ارتجل من كانت افعاله ذرى دون الضعيف
أرتجل من كان له فوق الـطـوال الـنـايفـات
صرح شامخ ما بناه الا على النهج الشـريف
ارتجل من كانت الأشهاد تـشـهـد لـه ثـبـات
ارتجل لين اليتامى صـارت دمـوع ونزيـف
بالـعـدد واحـد يـسـاوي عـد الاف الـمـئــات
هذا قابوس المفدى جاوز الـعـد الـطـفــيـف
كان يحلم كان يرسم كان يعطي تضحـيـات
وفوق هذا كان له مع وقفة الشجعان سيـف
ياإلاهي جـاك مـن كـانـت عـيـونـه مـا تـبـات
جاك مـن كان بـعتيم الليل لـفــكاره حـلـيـف
جاك فكاك الصعايب جاك راعي الـمـكرمات
في جوارك يا إلاهي سيدي قـابوس ضـيف
يا إلاهي تكرمه عرش الـجـنـان الـعـالـيـات
وترحمه وتجعل نبينا المصطفى منه وليف
يا إلاهي بـعـد مـوته صـبـحـنـا هم وشتات
ما عرفنا الا بمـوته للحـزن شـكـلٍ مـخـيـف
والـمـشاعـر بـعـد موته مثل باقـي المجدبات
بعد ماكانت هضاب وأرض خضراء مثل ريف
الشاعر أحمد المعمري فلك
