ياللي تميز ويش رايك من قبيل الانفلات
نتداول الصدق اللي ماتلقون احد يتداوله
مدري متى يصح الصحيح الله يغربل ذالحياة
تقول ذالدنيا مع حثال العرب متقاوله
اللي كفو ماهو كفو والغافلات الخاملات
يجي ولدها وكل شي نزاوله بيزاوله
شمس النهار النجم تسبح تحته الكويكبات
ماهوب في حاجة عطارد يسعفه ويناوله
واقرب مثل على انتكاس الوضع بعض الامسيات
شاعر ومستشعر ومبدع كلهم في طاوله
كم مهرجان وامسياته كلها متلخبطات
تطاولوا على الكبار الشله المتطاوله
ترتيبها بالعكس مدري شلون جابوها وجات
تحاول اللجنه بشي وماتعرف تحاوله
ناهيك عن اقحام ((بعض النسوه)) المستشعرات
لاهداف دونيه يقهويها وهي تفاوله
مرضي البشر كايد ولكن تستمر محاولات
سدد وقارب والفشل سمه خلل في محاوله
ملاحظه ومافيه شي الا عليه ملاحظات
اللي ضرب عرض البحر يصبر على مهاوله
من ما راق لى واتمناه يروق لكم
