آه من قلب تعذب بالموآجع والجروح

اّه من قلبٍ تعذب بالمواجـع والجـروح

والمصيبة خلّه اللي بالمواجـع جارحـه

وان ساْلته ليه ودك يابعد روحي تـروح

قال ظرف ولا هقيت اني لقلبك شارحـه

قمت اداري قلبي اللي من غلا خلّه ينوح

بس اشوف ان المشاعرمن قراره سارحة

دون حكي وجدال ودون تفسير وشـروح

مااظن الروح تقبل رايه اللـي طارحـه

قمت اضيع بين جده بين ضحكه والمزوح

قمت اجامل والبنادق في ضميري قارحة

ياحبيبي نجمك اللي في سما قلبي يلـوح

بالامانة لاتجيـه وبالعـذاب اتطارحـه

دام قلبي من طريقك حالف انه مايشـوح

ليه قلبك مايجيه وفي الخفـوق ايمارحـه

ودام قلبي لك تعهد بالصراحة والوضوح

ليه قلبك ماتعهد بالوضـوح ايصارحـه

ودام قلبي في وصالك يابعد عمري لحوح

ليه قلبك والجـوارح بالمفـارق فارحـة

ودام قلبي حالف انه مايفكر في النـزوح

ليه قلبك صاب قلبي بالـوداع البارحـة

سحابة ممطرة


كلمات جـــــــــــــــدا رائع
نص جميل


سلمت يداك المبدعة وذوقك الراقي

الله الله سحابه
نص بمنتهى الجمال
جدا راق لي وللبعيد أخذني

راقت لي أختي كلماتك

سلمت يمناج يالغلا طرح متميز ورائع