*الــصـراحـه*
ان بغيت الصدق مني والصراحه
ما يصح الا الذي هوه صحيح
ولا يـطير الـطير مـكـسوراً جناحه
ولا يـنام اللـيـل مـن قلبه جريح
والصراحه بــ الصراحه خير راحه
تاخذك فـي عـالم الـجو المريح
جـو طيب في مساه وفي صباحه
مـا يـناله غـير من هوه صريح
وانـا فـي جـوه ومـعـطـاي الاباحه
مـن سـمو الذات للسامع ابيح
فـي بـحر فنـي تـعـلمت السباحه
والـمجامل مـا ابــى مـنه مديح
كـلمتي تـاخذ مـن الدنيا مساحه
واوثق الساس لـبنيته عن يطيح
من الزمن خوفي ومن ضربت رماحه
والـزمن غـدار طبعه مـا نصيح
