علــى متــن القطــار اللـي يـودي للغيــاب وراح
اسـافر عنّـك وبتـرك لــك أشــواق ونظـر عيـني
تـرا حالي مثـل طفـلٍ تــرك امـه بلهـفـه وصــاح
وهـو يصـرخ ويتـألم ،، (يـا امـي لا تخــلينـي)
ترانــي ضايـع بـدونــك تلبسـت الظــلام وشـاح
ابـي نـورٍ علـى دربـي ،،ابيـك بشـوف تضـويـني
ترا كل الطريـق انتـي عليـه امشـي وانـا مرتـاح
طـريق الحــب ياخذنـي وعلـى دربـك يوديـنـي
انا خايـف يمـر العـمر وطيــري مــن بكايـا نــاح
وخوفـي مــن زمـــانٍ مُـر يمــر ومــا تـذكريـنـي
احبــك حب مـا زحزح مكانه ولا حشا مـا طاح
احبــك حـب يملكنـي وشـوف العيـن معمــيـني
احبــك مـن صغر سنّي يليـن الشيـب فيني لاح
احبــك ،، روفــي بحــالي حـرام انــك تعنّـيـني
تذكرتـك وعطـرك مَـر عـ صـدر الغـــرام وفـــاح
اشمّـه ويـن مـا امشـي وعلـى سيـري يخاويني
تعبت ارسمك في بالي سهم، قلب، ومعاه رماح
وكيف اكتبك فـ اشعاري وطاري الشوق يأذيني
حيـاتـي والامــل انــتي تداويـني مـن الاجـراح
على صوتك انا عطشـان هو يضميني ويرويـني
انـا مسافـر علـى متـن القطـار اللـي بلا مسـراح
وبتـرك لـك اثـر حبـي وشـوقي وباقـي سـنيـني
تأملتـك يلـين النـاس كشفـتــني وســرّي بــــاح
حـرام إنّـك تعـنّيـني ،، تعـالي ويمّــك خـذيـــني
#أحمد_سالم_المقبالي
