مرغوبه العاشق ,, وغايات المنال !!
ودواء الجروح / إلي تعسر طبّها ,
غيدا , بتول / تحترف فن الدلال ,
ودّك ( تقهواها ) قبل لا تصبّها !
في عيونها موت العذارى والرجال
وان سلهمت لبا خفوقي حبها
مخلوقه من ( زبد ) , لو تلمسه سال !
ونعومه ( حكاها ) ؟ .. كذا من ربّها ,
وبنت الرجال إلي نسبها ( آل آل ) !!
قومٍ : تنوش المرجله , وتذبّها ,
وإلي لا هبّ في وجهها ريح الشمال ؟
قمت أستشك ؟ إن الجنوب تهبّها !!
يفوح منها ( المسك ) و الـ خمر الحلال ,
كنّه : على ذيك الشفاه ( يعبّها ) !!
وخدودها ( ورد شذى ) عطره خيآل ,
خلا ( فراشات الورود ) تربّها !
ولا قالت من الشوق :- ياعمري تعال ؟
شليت ( ذا الغتره ) .. وقمت أضربّ بها ,
( فديتها ) , إلي لا إوقّفت من الاختيال ؟
( تستنقص ) إلي يوم تاقف جنبها !!
أشوف فيها .. أنها لي ( راس مال ) !
وتشوف فيني :- ( فارسٍ " مغرم بها )
( آحبها ) .. ولغيرها / مابه مجال !!
وجميع ما بّي من ( غلا ) ؟ في لبّها ,
مهوب لازم .. انها ( ملكه جمال ) ؟
أهم شئ :- " تحبّني .. و آحبها " ,
