عرض للطباعة
هل الهند تسيطر على القوى العامله في بلادنا ؟
لاحظت ان اغلب الشركات لدينا تطلب موظفين هنود فقط .
ما المعنى ؟ اليس من المفترض ان يطلبوا موظفين عمانيين ؟
لقد بدأ الهنود بالاستيلاء على الشركات وإن سكتنا فقد يسوء الوضع .
لاحظت انه حتى في الحكومه ولنقل الكليه التقنيه بعض الهنود فيها مسيطرين على النتائج من يريدونه ان ينجح سينجح ومن يريدونه ان يرسب سيضايقونه ويضعوا العراقيل امامه لن ينصفوه كباقي الطلاب .
نحن في خطر .
علما ان هناك هنود طيبون .
أحمد الغيثي
لاشك في ان الملاحظ لواقع الحال يرى ما تمر به البلاد من سيطرة العمالة الوافدة واستلامها للمناصب العليا في نفس الوقت يعاني الشاب العماني في نقص في الوظائف التي من المفترض أن تكون من نصيبه واولى فيها من غيره
ولكن ان شاء الله القادم افضل.
هههههههه ليش العنوان الدرامي هذا (تحت سيطره)
تذكرني برسوم بنكي وبرين ..
https://youtu.be/GSB5-4mBU_0
عزيزي الانسان اللي من الجاليه الهنديه ما عنده قدره يجي هنا من دون يد المواطن
لأن مستحيل وافد من دون كفيل ..
هم ما يتحكموا ولا يسيطروا ولا شي .. وانا لا ادافع عن جنسيه او ادافع عن فئه .. ولا اني ضد المواطن
لكن الحق يقال ..
كنت اعمل في مؤسسه بها جنسية هنديه وغيرها ..
وشفت الهنود كيف حريصين على العمل وكانوا جدا دقيقين .. والقسم من دونهم ما كان رح يثمر
للي اريد اوصل له .. عزيزي هذول عددهم كبير ايوا ..
وياخذوا من فرصنا ايوا ..
بس سبحان الله رب العباد ما يظلم عباده ولو كان معنا حق ما يضيع .. ولو تجري جري الوحوش غير رزق الله ما تحوش
من منظور ثاني هذول يبحثوا عن رزقهم كما هو حالنا ..
ومن يسعى يوصل ..
خلنا نسعى ونشد حيلنا وبأذن الله ننافسهم ونحصل رزقنا المقسوم من رب العباد ..
وهم الله يرزقهم يارب و يعيشهم حياه سعيده لأنهم بشر كمانا ويستحقوا انهم يحصلوا على الافضل ..
الحين ما اخفي عليك .. ترى يساندوا بعض واجد
ويخدموا بعض واجد .. وهذا شي يمكن نقول عنه طبيعي .. اسقط الحال عليك
لو كنت في غربه و فيه عمانين معك .. رح تكون يمكن متحيز للعمانين .. من يدري ؟
وبالنسبة انهم يستقصدوا الطلاب و و و و
هذا المنكر او هذي الروح الشريره ما بس في الهنود .. حتي في كل الجنسيات وما استثني جنسيتنا وانا لي موقف شخصي مع حد من بلدنا ومنا وفينا
والمفروض انه قدوه و دكتور قسم .. لكنه كان الله يستر عليه ..
وما لقيت الحق ألا عند الوافد للى طلع كل شي وخلى الاوراق في الطاوله واثبت له ان جهودي كانت مبذوله والى اخره ..
عزيزي سيجي ..
كلنا لبعض
هندي
عماني
روسي
اثيوبي
للى يكون ..
كلنا لبعض .. وهذي ما حرب ولا تحددى ولا مسأله هزيمه وخساره ..
هذي مجرد حياه .. وخزائن الله لا تنفذ لكنها قدرتنا نحن البشر تنفذ
كون بخير
وربي يرزقك من حيث لا تحتسب
آمين وشكرا لردك الراقي اختي .اقتباس:
المشاركة الأصلية كتبت بواسطة نقطة .
الحمدلله على كل حال وشكراً لردك .اقتباس:
المشاركة الأصلية كتبت بواسطة ملك الوسامه
المشكلة الهندي اذا يسيطر على كل شي تراه هو يشوف المسؤل العماني قدامه قدوة ما مقدر مواطن بلده مستولي على كل شي ومحدد له بعد راتبه وجعله 325 ريال وساوى بين شهادة الثانويه او الجامعيه
الراتب سيم سيم
وكل يوم ينزل له قرار يكسر الظهر
والمواطن الضعيف جالس ينتظر شي يحسن به من مستوى معيشته.
شكلنا احنا بنروح خارج البلاد للبحث عن لقمة العيش مثل الهنود لان بلادنا ما عاد بها وظايف وفي مثل هذا نريد من يتعاطف معنا في الخارج ويا ريت خارج البلد نحصل مثل الهندي من يتعاطف معنا مش من يبهدلنا.
الكل يسعى الى لقمة العيش
ارض من اراضي الله الواسعة ما قادر الان المواطن يحصل عليها الا بشروط وتعقيدات برغم السيوح الموجوده في البلد.
تحياتي لك
شكرا لمرورك .اقتباس:
المشاركة الأصلية كتبت بواسطة أفتخر عمانيه