ياحيف من هرجٍ بليا دلايل = ينطق به الرجال يا حيف يا حيف
اللي يولع طافيات الفتايل = وده لو يفرق خوان ومواليف
كلمة حسودٍ ما يحفظ الجمايل = ولا يعرف المعروف معيوف ومعيف
يا ليتها من وسط نحره تسايل = من قبل لا تطلع وهالعلم ما شيف
حنا شحوح روسنا ما تمايل = حنا هل الفزعات والشلف والسيف
وحنا هل الطالات والراس طايل = و نقدر المعروف ونكرّم الضيف
ولا انت فرعك خابر انه متمايل = وش جاب وبل الوسم لسحابة الصيف
