قصيدة: تكفون قولوا لي وين ألقاه
-:( تكفون قولوا لي وين ألقاه؟):-
دار الفكر وحرك عـندي القــوافي
وجــاني الـقــاف على الهـا ياهاه
هاه واشبلاك يا أم الخد الصافي
قلـبـك إسْـوَدْ وإلا وش اللي جــاه
أنا حمد وغير الرب فــلا يخــافي
والمكتوب على العـبد لبد ما يلقـاه
أرجوك لا تحـديني لحد الرهافي
الوصل أولى من قطعه لوبالشفاه
إليا اشتد البرد ولالقيت الـحـافي
أسأل الله لـحاف يقـال قـل مثـلاه
سن صغـير وبالحـق نعـم الوافي
سمح المحيَّا لا شاف القلب حيـاه
ويبتسم كل ما جـئت عنــده لافي
يفرح لمن أقبلت ويأخـذني بيمنـاه
يفهم مبتقاي أكل اوحـضن دافي
وما همه فـارق الـسن لا عـدمـنـاه
نتبـادل الحب والكل منا اسـنافي
يفدي بالروح مثلي لكسب رضاه
ماتهمه الدنيا لا شاف ما شـافي
عـزة النفس عـنده والجـنَّة مبتقـاه
محـبوب يتحبب ويحب ما يعـافي
سائلك ياالله تحقق لقلبي ماتمناه
غرو غرير لنار قلبي يكون طـافي
شوفه قرة العـين من حـسنٍ طـلاه
بهجة روح أصفى من كل صافي
محـبة الله في قلبه دوم ما تعــداه
والختم صلوا امتثال لأمر الكافي
على النبي وأكــثروا من الصــلاة
الشاعر/ حمد بن فهد المخالده السبيعي
