أنا والحزن و الدمعه على مر السنين أخوان ..
رمتني أقدار رب الكون على ساحل ألم وأحزان..
رمتني و اتعبتني حيل عن الغالي وعن ظلاله..
أنا مقدر أفارقه وأفارق صوته الرنان ..
ولا أقدر أطالعه ظروفي تمنع أطلاله ..
وهمي لو تشيله أرض هزت فوقها البنيان ..
وحزني لو يشيله كون هدت باقي جباله ..
كفاني ياحزن تكفى تراني في النهايه إنسان ..
لا أقوى ولا أتحمل حزين وحالتي حاله ..
حالي يكسر الخاطر وهمي كسر الجدران ..
وقلبي بالحزن متروس ودمعي أصغر عياله ..
أبتصبر ولا أقدر وقلبي مسكنه نيران ..
لوعة حب في قلبي هزت فيه زلزاله ..
مجرى الدمع على وجهي يرسم لوعة الحرمان ..
ويستغرب عيون الناس لين الدمع ماجاله ..
أنا والحزن و الدمعه على مر السنين أخوان ..
وفرحي ما يحس فيني ولا أخطر على باله ..
أنا ما ظنتي أفرح وقلبي مفارق الخلان ..
مدام الحزن متشتت صعب أمطاري ينهاله ..
وحظي آآآه يا حظي ما قدر لأن ما قد بان ..
دايم عابس بوجهي ويقهرني على باله ..
وهمي آآآه يا همي يحاربني و هو الكسبان..
ويجمع[ شلة الأحزان ] و بها قلبي لحاله..
سؤال..؟ أكرره دايم متى ينادوني الفرحان،
متى نلقى أحبتنا ونشرب وقتها بياله ..
متى الحظ يضحك لي؟ ونسمع أجمل الألحان..
متى نفرح ؟ متى نضحك؟متى نفارق هالحاله ..
