المشاركة الأصلية كتبت بواسطة أحمد المعمري فلك
امــنياتي عــيشتي لحظات قربك
حــلم صــادمني وشاغلني غيابك
بــيّح الله ذنــبك وســامحك ربك
أتــعبتني كــل مــحطات اغترابك
كــنت أظنك تهجري للحب سربك
كنت أظنك تقصديني في عذابك
جــيت لك وانا مسالم درب حربك
لا ســيوفك تــلتقيني ولا حــرابك
اتــذكــر قــلــت لــك انــي احــبك
بــس مــره وبعدها ما جيت بابك
والله إنــه الــشوق ياخذني لدربك
واتــراجع خــوف يــتعبني سرابك
هــذا انــا مابين شرق وبين غربك
ولــعيني شــوق في حزمة ثقابك
عــاتبيني وهــمشيني بــين كتبك
شــطر مــا شد لتفاتك في شبابك
أعشقك حتى لو بلحظات صخبك
ولــو تصبي المر يا معذب شرابك
لــو تــزيديني مراره وسط نخبك
اهـــون ولا حــبنا يــذرى هــبابك
اشــتياقي شوق عروة يوم كربك
حــل بي من بعد يا عفراء ذهابك
مــن كــثر مــا قــلبي اتعلق بقلبك
قمت أغطي بالوعاء موطى ترابك
والله إنه ما وجعني سوط ضربك
كثر ما وجعني التفاتك في ذهابك
أحمد المعمري فلك
