(((( ياحظّ ..! وين اللي على البال ذكراه! ))))

ياحظّ ..! وين اللي على البال ذكراه!
الله حسيبك بين الاحباب فرّقتْ


نفس المكان اللي قبل عام جيناه
سكرْتْ من سكّر حكاويه واشتقتْ


طير النوارس فوق الاكتاف مرساه
[ تمثال ] كنيّ في غيابه ولا فقتْ


بعدهْ وريث الهمّ والجرح والآه
ماني على خبركْ شمالي ليا ضقتْ


جرّيت صوت الشوق في ليل مسراه
وآنا سهير العين ما والله اغـْلـقـتْ


ما لوم قيسِ ٍ لو بكى افراق ليلاه
فاضت عيون الشوق لجْلهْ وغرّقـت


لهْ بالحنايا منزلٍ فيه مرقاه
من وين ماسجيّت صوب الغضي سـقـتْ


عجزتْ الاقي بالعذارى حلاياه
ان روّحت للغرب عنّهْ وشرّقـت

رزنامة الايام :- تاريخ فرقاه
عطّل سنين العمر معْ عقرب الوقـت


قـلّبـْت معْ صفحةْ غرامهْ معاناه
ولقيت لهْ كلمهْ عليها تـعـلّـقـت

ان الامل موجود لو طال مسعاه
وان الفرح لابدّ من هاملهْ ذقـت

هلا فيك لاند ...
لا جديد عليك هذا التميز والرقي وعوده جميله واختيار اجمل واجمل
الف شكر لجهدك وذائقتك الجميله .. كلك ذووق
( نص يستحق النجوم الخمس )

تسلم استاذي رايق البال مرورك اسعدني وشكرا لتزيينك الطرح بالنجوم الخمس
وكلك ذووق

الله عليك لاند
رائعة جدا ذائقتك.. ربي يعطيك العافية..

روح تسلمين ياذوووق مرورك اسعدني

لاند ابدعت أخي
يسلم ذوووقك الراقي

لاند


نص في قمة الجمال


سلمت يداك المبدعة وذوقك الراقي

حبي خالص تسلمين ياذوووق مرورك اسعدني

عملاق الشعر تسلم ياذوووق مرورك اسعدني