المشاركة الأصلية كتبت بواسطة حمد نجد
سكاي نايف ما اعرف عنه شيْ
رحلة بالمروحية . حسب الوقت فيه15 دقيقة 500 درهم . وفيه 25 دقيقة مدري وفيه 45 دقيقة انا استخدمت 15 دقيقة وكانت متعة
حديقة الزهور .. من 10 ص الى 10 بالليل واكيد وقت الاجازة الاسبوعية يتغير الوقت الدخول 20 درهم والاطفال مجانيكأني قريتها لاني ما عندي اطفال بس دخلت انا وزوجتي.. انصحك فيها الصباح حلوة وجميلة وهادية
الوايلد وادي الدخول 200 درهم وبعدها كل مرفقة لها سعر خاص يعني المسبح والقارب وهكذا .. غالية اذا معك اطفال ما انصحك الا اذا ميزانيتك غالية كثيرة
اسعارها مبالغ فيها
فيه حديقة الشاطيْ جميلة جدا مخصصة للعوائل . يوم الاثنين مخصص للنساء فقط الاثنين مايدخل الا النساء طبعا والاطفال الصغار مرة (اللذين لم يبلغوا الحلم ...ههه ) انا جيتها صدفة يوم الاثنين وما ادخلوني دخلت زوجتي وانا جلست برا ....هههه . تقول زوجتي جميلة جدا ورايقة وكبيرة فيها شواطيْ ممتدة وخدمات زينة وفيها حرية تامة للنساء تسبح الحرمة بكامل حريتها . انصحك فيها
في الختام ترى دبي غالية جدا ومبالغين بالاسعار . واللي عندهم اطفال يصرفوا كثير بالذات في المطاعم (ترى اكثر شي يلعبوا بالاسعار في المطاعم اما الاماكن الاخرى فهي صحيح غالية لكن تعرف اسعارها قبل ماتدخل وتكون حاسب حسابك
بالنسبة للاسواق اذا كنتي من هواة التسوق فيه مول على طريق العين اسمه اوت لت OUTLET MALL يبيع ملابس وحقائب واحذية ماركات وباسعار مخفضة لانهم بيصفونها ويحيبون بضائع جديدة . انا زوجتي اشترت شنطة ماركة بسعر300 درهم وهي قيمتها 700 . لايفوتك لانك تاخذين ماركات بتخفيض كبير جدا قد يصل 50 بالمية او اكثر
سوق التنين (margin mall خاص بالبضائع الصينية على طريق العين بعيد جدا ما يستاهل المشوار بس انتم على طريقكم يا اهل عمان مهو على قد ما سمعنا بس فيه مطاعم زينة ومنظمة .انتبهي للاسعار لازم تكاسرينهم فيها
عليكم باسواق الايرنييين في حاجات حلوة بس انتبهي للاسعار
اتمنى لكم اجازة سعيدة موفقة
بالنسبة للسكن انصحك ببر دبي فيع شقق نظيفة وهادية فيه بشارع منخول ببر دبي شقق فندقية كثيرة جدا. مايسكنها الا عوايل وفيه فنادق زينة مثل رامبو (قوس فزح )بشارع خالد بن الوليد جميل جدا وهادي وفيه بوفيه فطور وغداء بسعر معقول فندق جميل جدا ونظيف وسعره معقول مقارنة بفنادق اقل منه نظافة .بر دبي قريبة من الاسواق ومحطات المترو .انصحك تروحوا بالمترو لديرة وسوق نايف ترى نظيف جدا وافضل بكثير من السيارة
اسف طولت عليك الكلام انا ادري اسألتك محددة بس والله حبيت افيد قدر ما استطيع يمكن يكون فيه شي يفيدك
