الحمراني وأبن جدلان

يقول محمد بن سعود الحمراني

يامل قلب زاع زوع اشقر زاع
من كف صقار على تل عبله
ورى خراعيب من الجول منصاع
يصوعه اللي بالمعرفه لعبله
راعيه صوت رافع اسم شلاع
من حبه ال طيره شفوق وندبله
على الذي حبه لجا بين الاظلاع
متى على الله بلتزم علم حبله
واليوم كنه مايل لتسماع
وعقب الذكى كنه على صورة ابله
ياراكب حر من الهجن مطواع
سنه سديس وشعل ينتعبله
له عند ابن جدلان كيال الاصواع
كيال صاع العرف والطيب شبله
اللي على رسم المعرفه له اسناع
اما رسم للطيب ولا وجبله
عطه السلام وفهمه كيف الاوضاع
وضع الغرام اللي رماني ابنبله
وانا محب صح ماني بخداع
متنشب قلبي معا من نشبله
والحل عنده والتفاهم والإقناع
وكل نصيبه يحتوي ماكتبله



رد سعد بن جدلان

الف هلا ماهبت النود ذعذاع
ومالاح برق في مناشيه قبله
برسالة اللي من هوا البيض منلاع
والبيض من عارض هواهن ايهبله
وخصوص فرقا الشمل عقب التجماع
تلعب بطراد الهوا لعب سبله
والحب يامحمد غدا شمله امزاع
حطم كيانه كل خبل وخبله
اللي بسوق الحب تشري وتبتاع
تهديه باقة ورد ويرد دبله
ومشيه مع الظولات غنج وتمرياع
ون شاف زول يشبهه طار شبله
وش رايك انجنبه ياوافي الباع
مادام سوق الحب ماهوب هبله
اهل الهوا في سوقه اضمي وجياع
تطرب وتروي للهوا وتحطب له
كل معا سوق الهوا جاك فزاع
بعوده وبوصه ومواله وطبله
وسلم ودم ماحنّة المزن بالقاع
وماحن رعاده وماهل وبله

طرح موفق ، يعطيكك العآافيه :) '

طاب مسائكم
سلمت يمناك
مساجله جميلة بين شاعرين
بارعين في الوصف والصياغة الأبيات
شكرالك

السلام عليكم ورحمة الله وبركاته
زهام الزهام ... هلا فيك
اختيار موفق لأبيات جميلة
بارك الله فيك
ودي وخالص التقدير
أريج الرياحين

تسلم خيو.. راقت لي ذائقتك
ربي يعطيك العافية.

اختيار موفق اخي الكريم ربي يعطيك العافيه