قصيدة: كأس وانكسر

. <{ كأس وانكسر }> .
كل ما جـيت أدوس على قلبي وأنسـاك
جات ذكــرياتـك تحـرك شــجوني فيني

دخيلك قولي وش سبب صدّك وجـفـاك
وأنا لا حـيٍّ معـــك ولا قــــبـرٍ دفــــيني

آه منّـك بعــتي قلبٍ بالوفـا قـد شـــراك
يوم تمــكن حبـك وســرى في شراييني

نسيتي المودّة وكأسٍ على الظمأ سـقاك
وقطفتي زرع المحبّة من دنيـاي وديني

نكرتيني وقطعتي حبــل الوصل بيمناك
ما كنـك اللي بالعشــق يومٍ هـويتــــيني

مزقـتي فسـتان الفرح بيمينك ويسـراك
ما حـسبتي جــرحٍ من يدينـك يكــويني

غرورك خـلاك تبيعـين حبنا لأجل دنياك
وصرتي على نفسك من الهمّ تحـسديني

شيطانك استهوى خطاك وبلاك وأغواك
تبيعــيـني بالرخــص عـقــب ما تغــلّيني

دوم تتعالين وتقـولين أتحـدّاك أتحـدّاك
لين صدّيت عنك وعلى فـرقاك تلوميني

غلطانةٍ لا حسبتي الوقت يمشي بهـواك
شوفي آخـرتها رجعـتي ترجّـين رضيني

واليوم لامن طرى طيفك وطيف ذكراك
أمشـــي ولا هــــزّني صــــوتٍ ينــاديني

كأس وانكـسر ومـات في كسـره غــلاك
هيهات يصلح مثـل أول مهـما ترجــيني
الشاعر/ حمد بن فهد المخالده السبيعي