موضوع يخص كل من تحمل رخصة قياده ..

السلام عليكم ورحمة الله وبركاته
موضوعي راح اكتبه بالعاميه عشان يوصل وينفهم اكثر

انا حاليا في العشرين من عمري و اخذت الليسن من 18 سنه .. قولو 3 سنوات صارلي اسوق ..
شي طبيعي تصير مواقف منها الشباب يسوون حركات ويتبعووني وووالخ ..
استغرب من شي واحد بس ما راح اتكلم عنهم وليش يسوون كذا والاسباب
لان سيارتي فيها مخفي معتم بس الشباب لو شافو صبع بنت بيلحقوها و ما جالسه اعمم عليهم في منهم كذا وفي منهم ع راسي
المهم
الي استغرب منه البنت الي يلحقها الولد ليش تتخشش و تحوس ف الحارات و ترتبش ؟
كم مره اطلع مع بنات يوم حد يسوي لهم حركه يخافو و يقولو ما نرجع البيت ولازم نضيعه عن يعرف البيت وووالخ ..!
يعني خاطري اعرف وش الفايده من هالحركه ؟؟
دام انتي ما غلطانه وهو الي رابش عمره ليش ما ترجعي بيتكم ؟!
ايش بيسوي يعني ؟؟!
هل هو مسلسل عبالكم بيوقف برا و بيعق الشباك و يجيب ورد وووالخ ؟
انتي بمجرد حوستش ف الحارات هو بيقول ذي تبي تكلمني فمكان ماحد فيه
ترا عادي تروحي بيتكم بالعكس توريه انش ما مهتمه و طاف سالفته
لا تجلسوو تسوو لعمركم سالفه كبيره
اريد افهم ليش ما تبي ترجعي البيت لو حد وراش ؟
سؤال للي يسوون هالحركه ..

وانا دام طريقي البيت برجعه و ماعلي من وراي حد ولالا ..

كلامك صح اختي

مرحبا اختي

مثل ما قلتي هناك عدة حلول

يا انها تروح البيت ، او تتصل حال اخوها يجي ف مكان معين ، او تاخذ رقم السيارة وتعطيه والدها ويبلغ عليه الشرطة

شكراً لك .

شكرا لمروركم و انتظر الفئه المقصوده لتبرير ما يفكرون به

انا عندي ليسن من سنة 2009 والحمدلله للان محد لاحقني او شي او تعرض لي
وغريبه اول مره اسمع هالشي
كل البنات الي اعرفهن عمرهن ما قالن ان في احد تعرضلهن او لاحقهن
وبالنسبة اذا صارلي هالموقف عادي اكمل طريقي ولا كأني شايفتنه
اصلا الحين من بين عشر سيارات تحصلي 8 نساء يسوقن
واعتقد الشباب كلهم معهم حد من اهلهم يسوقن ومثل ما يرضيوا لاهلهم ما ايرضيوا لبنات الناس

سآلخير ،
قبل قنعوآ شايبيه يخلينيه اسووق :( '
عقب بتناقش ههه ،
المهمم ، ما قد صادفت ها الحركه اسير ويا بنات و لا عمري صادفناا جي ،
ماحد يلحقناا و اذاا مثلاا صار عآدي بسير لبيت شو الوازي أفتر ف الحارهه !
يمكن حركات البنت هي السبب اللي تخلي الشباب يلحقونهاا ،
و بسسء :) '

•#





وش ذا !!!
تتخشش ف الحارات عشان تضيعه اوين !!!
هي تجيب حال عمرها مشكلة اكبر بهالتصرف ..
دام انها واثقه من نفسها ما عاملة حاجة
تتوكل البيت
و تسويله طااااف و لا يستاهل اهتمام ...
الحمدلله العقل نعمة -_-

الحمدلله و الشكر صارلي خمس سنوات أسوق عمره ما حد تبعني
أصلا ما أركز في إلي وراي من الأساس :rolleyes:

اشكر الجميع على المرور وانا تكلمت عشان واقع شفته مادري انتو عشتوه ولالا بس متاكده كثير مرو عليه بحكم اني اجتماعيه و اخالط وايد بنات
اما البنت الي تتكلم و تبين انها المحترمه الي م صارلها شي و هي مر عليها شي كذا ف اقولها مع نفسج هع
و تشقرات على مروركم الغاوي

اقتباس:

---

المشاركة الأصلية كتبت بواسطة Black BlOoD

اشكر الجميع على المرور وانا تكلمت عشان واقع شفته مادري انتو عشتوه ولالا بس متاكده كثير مرو عليه بحكم اني اجتماعيه و اخالط وايد بنات
اما البنت الي تتكلم و تبين انها المحترمه الي م صارلها شي و هي مر عليها شي كذا ف اقولها مع نفسج هع
و تشقرات على مروركم الغاوي

---

هههههههههههههههههههههههههههههههههههههههههههههههههه هه