مدخل:
آفيق بعض احيان وآغطّ وآفيق..!
.......... لين الغياب اضحى مع الوقت / كيفي..!
كأن حلمي داخله (حلم تلفيق)
......... واللي صحا ماهوب انا ..كان :طيفي..!
موعد الصبح قرّب وأنت ليلك طويل
........ كِنّ مالك من أهلك ( حي ) تتفقده
قوم أشوفك , أشوفك؟! يعني ( المستحيل
........ جثةٍ في تراب الظن متمدده ..)
هذي الشمس فلّت من ورى الما جديل
........ شوفها من خجلها كيف متردده .!
أستخارت وشقّت في سماها سبيل
........ تفتح أبواب جوف أبوابنا الموصده
وأبتدا كل ( ظلٍ ) من عديله يسيل
........ الشجر / النوارس / ( أنت ) ! والأعمده
أنت !؟ وينك فقدتك بينهم ياهزيل
........ ليه؟ .. مالك عديل تجيه في موعده ؟!
من يسمّي عليك إن طحت منهم عليل؟
........ من تربّت على كتفك عشانك يده ؟
عُود أحبك وأحبك وأتبعك لو تميل
........ عود وإملا سكون الأرصفه عربده
لك علي ماتمر شفاي (خلّك ثقيل )
........ لاتهاوت من اللهفه عليك أفئده
عُود ألونك وأخلع ياظلال النحيل
........ عنْك هذا ( الرماد ) المنطفي موقده
وإن تمسّكت في غيرك وأخذته بديل
........ ماتمسّكت فيه إلا عشان أفقده !
ودّي أبكي معك ليله وأجر العويل
........ وأجمع الليل , طول الليل , وأتنهده
البكا .. مو حرام نعاشره والدليل
........ للعباده فـ وجه ( أمّك ) بنا مسجده
حسبي الله على أجدادك ونعم الوكيل
........ ماعطوا للدموع جناحها تفرده
عُود أصلّي معك لله ركعه وأشيل
........ ذنْب سهوك وغيري عنْك من يسجده
أنت حبّك عباده وأجر حبّك جزيل
........ عند ربّي وربّي عن خطاك أعبده
هذي الشمس ( لفّت ) من ورى الما جديل
........ وأنت؟ موعدك غاب الصبح عن موعده ..!
رآاقت لي
ل عبدالله الكايد
http://www.5foq.com/vb/smail/sm/paint.gif
