ما هو بكيفك ..

ماهو بكيفك تواصلني وتقطعني
امــا غلا بيّـن او فضهـا سيـره

ياشين لا جيت تقطع لا توادعني
ليتك تعرف الوداع وشلون تأثيره

يا ماخذن حب قل فيني وسمعني
حب على كبر صعب ابدل بغيره

ابحتفظ فيك وادري منت نافعني
يمكن مع الوقت اقول محبتك خيره

والله تدري وش اللي معك دافعني
اني معاك كنت امارس اخر الغيره

واحب فيك البرود اللي يقاطعني*
لو ما تكلمت صمتك صعب تفسيره

ياللي عليك البشر شفها تقاطعني
منين ما اوجه الهقوات لك سيره

يا شينها من الخوي قوله تقاطعني
ماغير شره ولا انت شايف خيره

وياشينها منك لاجيتك توزعني
في عذرك اللي على الظرف تأجيره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطأ يومك تبيعني
في سوقها لك اسوقها جيره

انا اذكر انك الا من قلت دلعني
القلب هانت على شانك مشاويره

يا مشغل القلب بين تحبني ويعني
شفني عليك احترق يا سيدي حيره

مرات اقول اتركك لا شك يمنعني
شي يقول اعذره واقبل معاذيره

ابحتفظ فيك وادري منت نافعني
يمكن مع الوقت اقول محبتك خيره

صوت الحمام

نص في قمة الجمال
وذووووق جدا رااقي كالعادة


سلمت يداك المبدعة وذوقك الراقي

هلا فيك صوت ..
لا جديد عليك هذا التميز والابداع الله عليك الله
الف شكرك لجهدك واختيارك وتفاعلك الرائع .. كلك ذوووق
( نص يستحق النجوم الخمس)

ذآئقة رآئعة
إنتقآء مميز
كل آلشكرلك!

الله عليك صوت
نص جميل
يعطيك ربي العافيه

نص جميل ؛
راق لي طرحك ،
يعطيك العافيه :) '

وافر الشكر للاختيار الجميل
والطرح العذب
دمت بألف خير
أرق الأمنيات

نص جمييل
ننتظر آلمزيد من ج’ـمآل آطروح’ـآتك
دمت بهذآ التآلق والتميز♪