ﺷﺎﻋﺮ ٍ ﻳﺮﻛﺾ ﻭﺭﻯ ﺍﻷﺣﻼﻡ ﻭﺍﻷﺣﻼﻡ ﺗﻬﺮﺏ ﻣﻦ ﻳʋ
ابحثي عني دخيلك ودوريني ياحزينه
ﺩﻭﺭﻳﻨﻲ ﻓﻲ ﺯﻭﺍﻳﺎ ﺍﻟﻴﺎﺱ... ﻓﻲ ﻳﺎﺱ ﺍﻟﻤﺪﻳﻨﺔ
ﺩﻭﺭﻳﻨﻲ ﻓﻲ ﻣﻼﻣﺢ ﻭﺟﻬﻚ ﺍﻟﺪﺍﻓﻲ ﻭﻗﻮﻟﻲ
ﻗﻮﻟﻲ : ﻭﻳﻨﻪ
ﺷﺎﻋﺮ ٍ ﻣﺎﺣﺒّﺘﻪ ﺑﻨﺖ ﻭﺑﻜﻰ
ﺷﺎﻋﺮ ٍ ﻣﺎﻧﺴّﺘﻪ ﺑﻨﺖ ﻭﺷﻜﻰ
ﺷﺎﻋﺮ ٍ ﻳﺮﻛﺾ ﻭﺭﻯ ﺍﻷﺣﻼﻡ ﻭﺍﻷﺣﻼﻡ ﺗﻬﺮﺏ ﻣﻦ ﻳﺪﻳﻨﻪ
ﺩﻭﺭﻱ ﻋﻨّﻪ ﺩﺧﻴﻠﻚ ﻓـ ﺍﻟﻤﺮﺍﻳﺎ ..
ﻓﻲ ﻭﺟﻴﻪ ﺃﺣﻠﻰ ﺍﻟﺼﺒﺎﻳﺎ
ﻓﻲ ﺍﻟﻨﻮﺍﻳﺎ
ﻓﻲ ﺍﻟﺰﻭﺍﻳﺎ
ﻓﻲ ﺍﻟﻬﺪﺍﻳﺎ
ﻓﺎﻟﺰﻫﻮﺭ ﺍﻟﻠﻲ ﺗﺤﺒّﻚ .. ﻓﻠﻬﺎ ﻣﻊ ﻳﺎﺳﻤﻴﻨﻪ !
ﺩﻭﺭﻱ ﻋﻨّﻪ ﺩﺧﻴﻠﻚ ﻓﻲ مسائك
ﻓﻲ ﺩﻣﻮﻋﻚ .. ﻭﺍﻧﺸﺮﺍﺣﻚ ..
ﻭﺳﻂ ﺣﺰﻧﻚ
ﻭﺍﺭﺗﻴﺎﺣﻚ ..
ﻭﺳﻂ ﺩﻓﺘﺮ ﻣﻞ ﻣﻦ ﻧﺰﻓﻪ ﻭﻣﻦ ﺩﻣﻌﺎﺕ ﻋﻴﻨﻪ
ﺩﻭﺭﻳﻪ ..
ﻓﺎﻟﻮﺟﻴﻪ ﺍﻟﻠﻲ ﺗﻨﺎﺩﻱ ﻓﺎﻟﻐﻴﺎﺑﺎﺕ ﺍﻟﻮﺟﻴﻪ !
ﻓﺎﻟﺤﻨﻴﻦ ﺍﻟﻠﻲ ﺃﺑﻴﻪ ﻭﻓﺎﻷﻧﻴﻦ ﺍﻟﻠﻲ ﻳﺒﻴﻪ
ﻭﻻﺑﻜﻰ ﺣﺰﻧﻪ ﻋﻠﻴﻪ
ﻭﻻﺑﻜﻴﺘﻲ ﺗﺬﻛﺮﻳﻨﻪ
... ﺩﻭﺭﻳﻪ
ﻓﻲ ﻋﻴﻮﻥ ﺃﻃﻔﺎﻝ ﻣﺮّﻭﺍ ... ﻭﺍﺑﺘﺴﺎﻣﻪ
ﻭﺳﻂ ﺻﻤﺘﻪ ..
ﻻﺟﻔﺎ ﺻﻮﺗﻪ ﻛﻼﻣﻪ ..
ﻭﺳﻂ ﺩﻓﺘﺮﻙ ﺍﻟﺤﺰﻳﻦ ..
ﻳﻮﻡ ﻛﻨﺘﻲ ﺗﻜﺘﺒﻴﻨﻪ .. ﻳﻮﻡ ﺻﺮﺗﻲ ﺗﺸﻄﺒﻴﻨﻪ
ﺩﻭﺭﻳﻪ ..
ﻻﻏﻔﻰ ﺳﻤﻌﻚ ﻋﻠﻰ ﺻﻮﺗﻪ ﻭﻧﺎﻡ
ﻓـ ﺍﻟﺴﻜﻮﺕ
ﻭﻓـ ﺍﻟﻜﻼﻡ
ﻓـ ﺍﻟﺤﻤﺎﻡ ﺍﻟﻠﻲ ﺑﺼﺪﺭﻩ ﻳﻮﻡ ﻃﻴّﺮ ﻟﻚ ﺣﻤﺎﻡ
ﻓﻲ ﻣﻼﻣﺢ ﺻﺒﺢ ﺑﺎﺭﺩ
ﻛﺎﻥ ﺑﻴﺪﻙ ﺗﺸﻌﻠﻴﻨﻪ
ﺃﺳﺄﻟﻲ ﻋﻨﻪ .. ﻳﺪّﻳﻨﻚ
ﻭﺍﺳﺄﻟﻲ ﺑﻴﻨﻚ ﻭﺑﻴﻨﻚ
ﻛﻴﻒ ﻣﺮّ ﻓـ ﻳﻮﻡ ﻋﻴﻨﻚ ﻟﻴﻦ ﻣﺎﺕ ﺍﺣﺴﺎﺱ ﻋﻴﻨﻚ
ﻭﺍﻧﺘﻲ ﻋﻴﻨﻪ
ﻳﺎﺣﺰﻳﻨﻪ
