الصـمت نعـمه والتواضع فضـيله....!
الصـمت نعـمه والتواضع فضـيله
والكون له خالق و في الأرض حكـّام
والمجـد غـايـه والجـمايـل وسـيله
والمـوهــبـه للـروح تعـبـيـر والـهـام
واللي يـدوّر حـاجــةٍ مـسـتـحـيـله
لابــد ما يـجـزع مـن الـنــوم لا نــام
قـد لي ثـلاث ايّـام ما نـمـت لـيـله
مـع ان عيـني من سـهـرها لها عـام
لو كـنت ادوّر للـبـيـوت الجـمـيـله
شـبّعـت عـطاش الورق حبر الاقلام
مانـي بـمـن يكـتـب لـقـالـه وقـيـله
أو طـامح بتصفـيـق ودروع ووسـام
غـيّر مـلامـح دفـتـره مـن مـزيـله
يـاما كـتـب مـيــم ٍ ويـاما كـتـب لام
إن غـاب عـنـّك قـلت ياعـزتـي له
وان زاحـم الـشـعـّار ما سـبب زحام
وانا لو اكـتب لي قـصـيده طـويـله
أصـوّر التـعـبـير تـصـويـر الافـلام
أشعـل سـما الابـداع نـار وفـتـيـله
وازرع مـساحات المـعاني بالالـغام
واشـفي عـذابـات الكـبود العـلـيـله
واغـيّـر انـشـاءات ..واكـسّـر ارقـام
أجيـب روس الكـامـلات الجـزيله
صـناعـتي ماهي صـناعات الاعلام
والا الضعيف أبو المعاني الهزيله
ماهـو موصّـلها ولو يركـض اعـوام
أمّا الثـقـيل .. أبو المعاني الثـقـيله
يـبغي له اربـع خمـسـة سـنيـن قـدّام
أنا كـذا .. ما لي مع الشعـر حـيله
كـلما كـبرت اشـوف حـسّادي اقـزام
ياهاجـسي باوصـيك ولك الدلـيله
رح بـلـّغ اللـي عـايـشـيـن ٍ بالاوهـام
قـل للـبخيـل اللي يـمـيـنه بـخـيـله
تـرى حـيـــاتـه كـلهـا .. عــدّة ايـّــام
أعطي العـطا لو هي بحاجه قليله
على الأقـل يـقـال من نـسـل الاكـرام
ويا دمع خـلّك في العـيون العليله
بْـجـاه مـن صـلّى لـربـه ومـن صـام
لا تـنـتـثـر على الخـدود النحـيـله
وتهـتـز لك حـكـّـام .. وعـيـال حكـّام
حنـّا عـيـال العـود راع الجـزيـله
حـنـّا بـني الـســؤدد ومن لام يـنــلام
تـطـْوَل قـوايـمـنا مـع كـل عـيـله
وتحـني قـوايـمـنا على دموع الايـتام
لاتـقـول يا حـلوه ولا يـا حـلـيـله
ذولا بـشـر .. ربّي مـقـسّـمهـم اقـسام
خذا عوافيهم .. وحصّل حصيله
واعـطى لهم صـبر وتـباشـير واحلام
وقل للمعاق اللي ماتمشي رجيله
الـناس بالإحـسـاس ماهـي بالاجـسـام
وترى أحاسـيس الخفـوق النبيله
تـوصّـل اللـي مـا تـوصّـله الاقـــــدام
