الناس قالوا كـل مطـرود ملحـوق

وش كثر تخدعني المظاهر ولااتـوب
ماكنهـا مـرت علـي التجـاريـب
العين ماتكشف لك اللي ورا الثـوب
كلن يظن ويخطـي الظـن ويصيـب
كم واحدن يعطيني الهـرج مقلـوب
وانا اعتبرته من خيـار الاصاحيـب
الفرق بين الناس في عقول وقلـوب
وأسرارهم يعلم بهـا عالـم الغيـب
اللي يودك مايـرى فيـك عـذروب
واللي شناك يحـط فيـك العذاريـب
إن كان شفت انك من العقل موهوب
لاتستمـع لمروجـيـن الأكـاذيـب
كم من حديث قـد لقينـاه مكـذوب
عن النبي اللي منـزه عـن العيـب
العبد فـي دنيـاه غالـب ومغلـوب
والعمر جـاري والليالـي دواليـب
نجمع مع الأيـام حسنـات وذنـوب
والستر ضافي والعبر في العواقيـب
إصبر على الدنيا ترى الصبر مطلوب
واستخدم الحكمة وحسـن الأساليـب
واحذر تلج عواك في كـل عرقـوب
محدن بقايل ويش مسريـك ياذيـب
لا يعتريك الهـم والـرزق مكتـوب
مضمون لك مافيـه شـك ولاريـب
والنفس لاتارد على كـل مشـروب
حتى توردهـا لصافـي المشاريـب
لاتندفع معهـا ورى كـل محبـوب
وتعلقـك بحبـال الآمـال وتخيـب
الناس قالوا كـل مطـرود ملحـوق
والعاقل اللي يشغل النفـس بالطيـب
إن كان ماتحسب ترى العمر محسوب
في كل يوم تطلع الشمـس وتغيـب

يسلمو ع الطرح غاليتي

رائعة جدا ذائقتك..تسلمين وربي يعطيك العافية

هلا فيك نقاء ..
الله الله الله عليك الله لا جديد عليك هذا التميز والابداع
الف شكر لجهدك واختيارك وذائقتك وتفاعلك الجميل .. كلك ذووق

اختيار ولا اروع
يسلم ذووووقك نقاء

نص رآئعع جدآ:)
كل آلششكر لك عزيزتي:):)’

نقااء


نص رائع اختي



سلمت يداكِ المبدعة وذوقك الرااااقي

رووووعه
يعطيك العافيه ياذووق
لاخلا ولاعدم ~°•