والكبر لو به فايده فاد فرعون ومن ذاع سرّه بشّره بالفضيحه

اضحك وفلّ حجاجك اشفيك محزون
دنياك ماتسوى وخذها نصيحه..
●•
مادام مالك ميت ولا انت مديون
ارم الهموم وخل نفسك مريحه..
●•
لو كانوا اصحابك يضاهون مليون
نق الكفو منهم وخل السطيحه..
●•
ولا تشتكي للناس لوكنت مطعون ...
والذم من بعض الخلايق مديحه..
●•
ولا تنحني للهم وتعيش مغبون
ترا المريح اهل العقول الصحيحه..
●•
لاصرت صادق قالوا الناس مجنون
مايمدحون الا النفوس القبيحه..
●•
وخلك صمود بوجه الايام دندون
وما حرم الله اثم لا تستبيحه..
●•
والكبر لو به فايده فاد فرعون
ومن ذاع سرّه بشّره بالفضيحه..
●•
والله لو يعطون لك مال قارون
ماشفت نفسك بالغنى مستريحه..
●•
انفض هموم القلب وابليس ملعون
وان ضاق صدرك ارض ربي فسيحه

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

تسلم ياذوووق ابيات فاقت الروعه والجمال