المرجله ماهي بكلمه وتنقال..!
قصيده حلوه اتمنى تعجبكم
’’’’’’’’’’’’’’’’’’’’’’’’’’’’’’’’’’’’
اذا المراجل لبس شماغ وعقال * قل للعذاري يلبسن العمايم
ماعاد يفرق زول حرمه ورجال * دام الفعايل تشبه البعض دايم
المرجله ماهي بكلمه وتنقال * وتروح مارحت هبوب النسايم
ولا خشونت صوت ورفع الاثقال. * او رزة صدور وفعل الزلايم
ولاهي بعد مفتاح موتر وجوال . ولاردي السان حديثه شتايم
المرجله شيمه من القيل والقايل * ورفع نفس حر بالجو حام
المرجله عقل وزن وزنه جبال * ودون العقل وش فرقنا والبهايم
يامسندي لو مايل الوقت بي مال * ياولد ابوي ياعظيم العزايم
يامعرب الجدين من العم والخال * يانخوت المفزوع وقت الهزايم
المرجله ياخوك هي طولت البال * هي العزم هي الصبر في الظلايم
فيها الكرم عز دله وفنجال * فيها الكرم عن ردي الطبع شايم
والدين لامنه خذا القلب منزال * مشى طريق الحق وبليس نايم
ومن لاعرف ربه في طيب الحال. * لابد وقت الضيق بالهم هايم
حتي صلاتك مع جماعات ورجال. * في خيرها ياخوى نعم الغنايم
ولامن نصف ليلك قم صفى البال * ياعظم اجرك بين ساجد وقايم
ولامن رفع ربي له كل الاعمال . * حسن الذكر لاقالو افلان صايم
وخلك شريف القصد ياطيب الفال . * سوء المقاصد فالبيوت الهدايم
وحذر تبيع النفس في درب الانذال * وتتبع خوي ابليس راعي النمايم
النفس خيل اذا كنت خيال * ومن لا قوا نفسه قوته الهزايم
ولاصرت ماتدري لويش رجال * . والله خساره فيك ذبح التمايم
